یانوارین ۱۳-ده آلمانییا فدراتیو رسپوبلیکاسینین پرزیدنتی فرانک-والتر ایشتاینمایر آذربایجان رسپوبلیکاسینین پرزیدنتی ایلهام علیئوه زنگ ائدیب.

Axar.az خبر وئریر کی، بو باره‌ده آذربایجان پرزیدنتینین مطبوعات خیدمتی معلومات یاییب.

صحبت زامانی پرزیدنتلر آذربایجان-آلمانییا علاقه‌لرینین مؤوجود وضعیتین‌دن ممنونلوقلارینی ایفاده ائدیب و امکداشلیغین پرسپکتیولرینی مذاکیره ائدیبلر.

رگیونال تهلوکه‌سیزلیک مسئله‌لرینه توخونان فرانک-والتر ایشتاینمایر آلمانییانین آوروپا اتفاقی شوراسینین پرزیدنتی شارل میشلین بلاواسیته اشتراکی ایله آپاریلان آوروپا اتفاقی-آذربایجان-ارمنیستان اوچطرف‌لی فورماتینی دستکلدیینی وورغولاییب.

پرزیدنت ایلهام علیئو آوروپا اتفاقی شوراسینین پرزیدنتی شارل میشلین دستیی ایله حیاتا کئچیریله‌ن اوچطرف‌لی دانیشیقلاری یوکسک قیمتلندیردیینی وورغولایاراق، آذربایجانین آوروپا اتفاقی-آذربایجان-ارمنیستان اوچطرف‌لی فورماتی چرچیوه‌سینده آپاریلان مذاکیره‌لر پروسسینه صادیقلیینی ایفاده ائدیب.

عینی زامان‌دا، تلفن دانیشیغی اسناسین‌دا آذربایجانین اراضی‌سین‌ده اولان خانکندی-لاچین یولون‌داکی وضعیت مذاکیره اولونوب. دؤولت باشچی‌سی بیلدیریب کی، ارمنیستانین یولون گویا بلوکادا شرایطین‌ده اولماسی باره‌ده ادعالاری یالاندیر، یول‌دا بین‌الخالق قیزیل خاچ کمیته‌سینین ختتی ایله و ائلجه ده دیگر هومانیتار یوکلرین سربست حرکتی تعمین اولونور.

صحبت زامانی پرزیدنتلر بیر داها آذربایجان-آلمانییا امکداشلیغینین پرسپکتیولرینی یوکسک قیمتلندیره‌رک بو علاقه‌لرین انکیشافی اوچون بیرگه سعیلرین گؤستریلمه‌سینین واجیبلیینی قید ائدیبلر.