خالق یازیچی‌سی نین «سیرلرین سرگذشتی» رومانی تبریزده چاپ اولونوب. کیتاب اسکی الیفبایا گونئی‌لی سویداشیمیز قادر جعفری طرفین‌دن کؤچورولوب.

Kult.az خبر وئریر کی، یازیچینین سایجا دؤردونجو رومانی اولان بو اثرده پارالئل زامان و مکان، یادداش فنومنی، رئال و ایررئال حادثه‌لرین تصویری اؤزونون ادبی-بدیعی عکسینی تاپیب.

رومان معاصر نثر تکنیکاسینا خاص اولان ایچ-ایچه سوژتلر و فصیللرله آسوسیاسییا اولونان حادثه‌لرین آنوخرونیک آردیجیلیغی شکلینده قورولوب. اثرین قهرمانی اولان حسن معلم (حاجی میر حسن آغا سیاح) نقل اولونان احوالاتلارین فوقونده دایاناراق سیرلرین سرگوزشتینه شاهیدلیک و بلدچیلیک ائدیر. بو معنادا رومان اوخوجونو اؤز سیرلرینین آغوشونا آلیر، اونو دا سیرره واقیف ائدیر. اودونچو احمدین، تپه‌گؤزون، بانوچیچکله بئیریین چؤزولن سیرری اوخوجونو کمال عبداللهنین بوندان اول قلمه آلدیغی متنلرده‌کی مطلبلره بیر داها اوز توتماق احتیاجی ایله اوز-اوزه قویور. «سیرلرین سرگذشتی»ندکی آرختیپیک مقاملار رومانی مؤلفین دیگر متنلری ایله آشکار و گیزلی لاغیملارلا باغلاییر.

قید ائدک کی، ۲۰۱۴-جو ایلده کمال عبداللهنین «سهربازلار دره‌سی»، ۲۰۱۸-جی ایلده «یاریمچیق الیازما»، ۲۰۲۲-جی ایلده ایسه «اونوتماغا کیمسه یوخ» رومانلاری تبریزده ایشیق اوزو گؤروب.