عراق‌دا ۲-۳ میلیونا یاخین تورک یاشاییر. سای اعتباری ایله اؤلکه‌ده اوچونجو میللتدیر. اونلارین دیلی کرکوکده رسما تانیندی. کئچمیش دیکتاتور صدامین دؤورونده بو دا اولمازدی. اما عراق چرچیوه‌سینده یئنی بیر دییشیکلیک اولوب. آمریکانین واسطه‌سی ایله دیکتاتورلوگ سیندی، دؤولت ایستروکتورو داغیلدی. بو شرایط‌ده، آز دا اولسا، تورکمنلره ده پای وئریل‌دی. البته، بو، اورادا یاشایان تورکلری قانع ائتمیر.

بو سؤزلری Axar.az-آ گونئی آذربایجان دموکرات پارتییاسینین سؤزچوسو محمود بیلگین دئییب.

آنالوژی وضعیتی ایرانلا، گونی آذربایجانداکی دوروملا مقاییسه ائد‌ن پارتییا منسوبو رژیمین تورک دیلینه اولان مناسیبتیندن سؤز آچیب:

«ایران‌دا تورکلرین سایی چوخدور، اوچونجو میللت یوخ، بیرینجی میللتدیلر. بیزدن سونرا سای باخیمیندان فارسلار گلیر. بونلار ایسه بیزی خبرلرده تام گوجلری ایله بایکوت ائدیرلر. هم مخالیفت، هم حاکمیت، کورددن، بلوجدان، حتی عربدن دانیشیرلار، بیزه چاتاندا سوسورلار، یا دا «آذری» دئییب کئچیرلر. هانسی کی، ایران‌دا تورکلرین دؤولتچیلیگی مین ایللر مؤوجود اولوب».

فارسلارین آذربایجانلیلاردان قورخدوغونو دئیه‌ن بیلگین تورک ائتنیکلرینین هر زامان بایکوت ائدیلدیینی وورغولاییب:

«پهلویلرین زامانین‌دا تورکجه دانیشماق، کیتاب یازماق یاساق ایدی. اسلام رسپوبلیکاسینین واختیندا ایسه ۱۵-جی ماده‌ده تورک دیلینین فارس دیلینین یانیندا یئدک کیمی ایشلنیلمه‌سی قید اولونوب. آنجاق ۴۴ ایل عرضینده ایران مجلیسی بو ماددنی قبول ائتمه‌دی. حتی لیبرال مؤوقعی ایله تانینان موسوی، کرروبی واختین‌دا بئله بو، ممکن اولمادی. دئدیلر کی، تورک دیلینین فارس دیلی ایله پارالل ایشلنیلمه‌سی، بو دیلده یازی-اوخو، دانیشیق امکانینین اولماسی تهلوکه‌لیدیر. ایران‌دا - فارس حاکمیتین‌ده تورک دیلی اوچون شرایط یاراداجاق قابیلیت یوخدور. اؤزللیکله، بو ویلایتی-فقیه سیستمینده هئچ ممکن دئییل. بونلار تورکون علیهینه‌دیر. حتی مخالیفت ده «تحصیل تورک دیلینده اولسون-اولماسین» دیلمماسینی آشا بیلمیر. گؤرون، بونلار هله حاکمیتده دئییل، اما بیزه نه وئریب-وئرمه‌یه‌جکلرینی دوشونورلر. اودور کی، ایراندا بو یؤنده هر هانسی اصلاحاتین اولماسی ممکن دئییل، اینقیلابدان، سیستمین داغیلماسیندان باشقا چاره یوخدور».