ارمنی سوسیال شبکه‌لرینده آذربایجانا قارشی تبلیغات اوچون چکیلن ان ایرنج تاماشالاردان بیرینین گؤرونتولری یاییلیب.

Axar.az خبر وئریر کی، ویدئو یئنی دئییل، بیر هفته اؤنجه چکیلیب.

ویدئودا گویا آذربایجان اوردوسونون عسگرلرینین قاراباغین روس صولحمراملیلارین موقتی مسئولیت زوناسیندا مسکونلاشان دینج ارمنی ساکینلره قارشی کوبودلوق ائتدیی، اونلاری «تارلادا ایشله‌مه‌یه» قویمادیغینی نماییش ائتدیرمه‌یه جهد ائدیبلر.

بئله کی، «آذربایجانلی عسگر» ارمنی ساکینین «تصروفات آلتینی» تپیکلییر، اونلارا زور تطبیق ائدیر، ارمنیلر ایسه سینیق-سالخاق آذربایجانجادا «صاحبین» ساخلانیلان ارمنیلر اولمادیغینی بیلدیرمه‌یه «چالیشیرلار».

ویدئونون قوراما اولدوغونو، صحنه‌لشدیریلدیینی، اورداکی اشتراکیلارین رول اوینادیغینی ایسه درحال آنلاماق ممکن‌دور.
بیرینجی‌سی، آذربایجان اوردوسونون عسگری کیمی تقدیم ائدیلن شخصین فیزیونومییاسی قطعی شکیلده آذربایجانلییا بنزمیر، خصوصیله بورون قورولوشو اونون کیملیینی ایفشا ائدیر.

آذربایجان عسگرینین «زور تطبیق ائتدیی» ارمنی ایله داورانیشیندا ایسه عمومیتله بو فاکت چیلپاقلیغی ایله اوزه چیخیر: اوزونده هئچ بیر قورخو، تشویش علامتی اولمایان «دینج ساکینین» یاخاسیندان گویا چکیلمه‌سی اصلینده اونا نوازیشه بنزییر. هر کسه یاخشی معلومدور کی، دوشمن یاخاسیندان او جور دارتمیرلار! یاخاسیندان چکیلن «دینج ساکین» ایسه اؤزونو گولمکدن گوجله ساخلاییر و باشینی آشاغی سالمیر، قورخمور، عکسینه، کامرایا «اویناییر».

«آذربایجانلی ظابط»این بو آداملارین قارشی‌سینی کسیب، نیه «خوزینی» آختاردیغینی ماهیتی ده بللی دئییل و ارمنی قادینلار نیه خورلا اونون «صاحب» اولمادیغینی دئییرلر، بونونلا نیه نایل اولماق ایستییرلر – او دا سناری‌ده نظره آلینماییب.
اوسته‌لیک، «آذربایجانلی ظابطین» یانینا گئدن ارمنی آروادلارین چوخ راحت داوراندیغی، «ظابطه» یاردیما چالیشان عسگرین اوزونون گؤرونمه‌مه‌سی ده ویدئونون ماهیتینی ایفشا ائدیر.

ان واجیب مقام ایسه اودور کی، آذربایجان اوردوسونون حربچیلری قاراباغدا یاشایان ارمنی اهالی ایله هئچ واخت تماسدا اولماییب. اگر بو حال باش وئرسیدی بئله اراضی‌ده‌کی ارمنیلر اراضی‌ده‌کی صولحمراملیلارا شیکایت ائدر و بو حال روسییا صولحمرام‌لی کونتینگنتینین گونده‌لیک خبر بوللتنلرینده اؤز عکسینی تاپاردی.

ویدئودا نیه ارمنی آروادلارین کادر آرخاسیندا قالدغی، یالنیز «صاحب دئییل» دئیه، کامرانین اوبیکتیوینین توشلاندیغی ایستیقامته گئدرکه‌ن گؤرونتوله‌نمه‌لری ده بونون تماشا اولدوغونو تصدیقلییر.

ارمنی سناریستلر و بوردا «کوتلوی صحنه‌ده» اشتراک ائد‌ن آکتیورلارین مقصدی آیدیندیر: بو ویدئولارلا ارمنیلرین آذربایجانلی عسگرلرین تضییقینه معروض قالدیغینی گؤسترمه‌یه چالیشیرلار.