ایلک دفعه‌دیر آذربایجان و ارمنستانین جنوبی قفقازین گلجیی ایله باغلی موقعی اورتاق گؤرونور: روسیانی رگیونا بوراخماماق، ۲-جی قاراباغ محاربه‌سیندن اؤنجه‌کی اوستونلویونو تعمین ائتمه‌یه امکان وئرمه‌مک.

۲۰۰ ایلده‌ن آرتیقدیر بو جغرافیادا باش وئرن بوتون محاربه‌لرین، قیرغینلارین ایزی مسکوایا گئدیب چیخیر. یئنی‌دن بؤلگه‌یه گیرمه‌یه چالیشان روسیا یئنه ان یاخشی بیلدیی یول‌دان – توققوشما، مناقشه، محاربه تاکتیکاسیندان حرکت ائتمک نیتینده‌دیر. ارمنستان‌دا روانشیستلرین دستکله‌نمه‌سی بونو آیدین گؤستریر. لاکین ایلک دفعه‌دیر آذربایجان و ارمنستانین ماراقلاری اوست-اوسته دوشدویو اوچون روسیا رگیونال دیرنیشله اوزلشیب. داها اؤنجه ده یازمیشدیق: یکاترینبورگدا آذربایجانلیلارا قارشی تؤره‌دیلن زوراکیلیغین سیاسی هدفلری بورا چیخیر.

روسیا رگیوندا اولمالیدیر، اما قونشولوق مناسبتلری چرچیوه‌سینده. آذربایجان-روسیا مناسبتلری ده ایمپراتیو دیرکتیولرین اولمادیغی چرچیوه‌ده داوام ائتمه‌لیدیر. گوج بالانسیندا تورکیه فاکتورو حل ائدیجی اولا بیلر، تکجه آذربایجان اوچون یوخ، ارمنستان و گرجستان اوچون ده. عکس تقدیرده، ۲۰۰ ایلدن سونرا بؤیوک اؤلچوده حل اولونان پروبلملر – قارشی‌دورما و مناقشه ریسکی داوام ائد‌جک.

بونا نایل اولماق نه قدر ممکن اولاجاق؟ آچیق سوال‌دیر. لاکین باکی و ایروان‌دا مسکوایا قارشی پارالل شکیل‌ده آپاریلان مقاومتین تاریخی اهمیتی وار.