سون ایکی هفته عرضینده اؤلکه‌ده قانونی اساس اولمادان اولان ۴۱ اجنبی گورجوستان‌دان چیخاریلیب.

Axar.az خبر وئریر کی، بو باره‌ده «نووستی گئورگیا»یا گورجوستان داخلی ایشلر ناظیرلیینین مطبوعات خدمتیندن معلومات وئریلیب.

قوولانلار آراسین‌دا آذربایجان، تورکیه، تورکمنیستان، هیندیستان، ایوردانیا، ایران، نپال، پاکیستان، روسیا، جنوبی آفریکا رسپوبلیکاسی، ارمنیستان و زیمبابوه وطنداشلاری اولوب. هامیسینا اؤلکه‌یه گیریش قاداغان ائدیلیب.

بوتون ایون آیی عرضینده ۱۲۴ اجنبی وطنداش گورجوستان‌دان چیخاریلیب. ۲۰۲۵-جی ایلین بیرینجی یاریسین‌دا ایسه ۵۲۵ نفر اولوب کی، بو دا اؤتن ایلین عینی دؤورو ایله مقایسه‌ده ۲۸۰% چوخ‌دور.

داخلی ایشلر ناظیرلیینین استاتیستیکاسینا گؤره، ۲۰۲۴-جو ایلده دپورتاسییا ائدیله‌ن غیر-قانونی مهاجرلرین سایی ۴۳۰، ۲۰۲۳-جو ایلده ۱۹۰، ۲۰۲۲-جی ایلده ایسه ۱۶۵ نفر اولوب.

سون ایللرده پلیس غیر-قانونی میگرانتلارا قارشی داها چوخ ریدلر کئچیریر و حکومت ایم‌میگراسییا قانونلارینی سرتلشدیرمه‌یه باشلاییب.