کرکینین باشکندله دییشدیریله بیلجییندن، آنکلاولار مسئله‌سینین ده بو مجرادا حل اولوناجاغیندان دانیشدیق.

Axar.az خبر وئریر کی، بو سؤزلری ارمنیستانین حاکم «ملکی مقاوله» پارتیاسیندان اولان ملت وکیلی گاگیک ملکونیان ارمنی مدیاسینا مصاحبه‌سینده دئییب.

«باشکند آنکلاودیر، اورا چاتماق اوچون بیزه دهلیز لازمدیر. یاخود کرکییه چیخیش الده ائتمک اوچون اونلارا (آذربایجانا – رد.) دهلیز لازمدیر»، - او بیلدیریب.

ملکونیانین سؤزلرینه گؤره، دانیشیقلاردا ارمنی طرفینین طلبلری اوندان عبارتدیر کی، آذربایجان ارمنیستانین ۲۹ مین ۸۰۰ کوادرات کیلومتر اراضی‌سینی تانیسین، همچینین جرموک و زود اراضیلریندن گئری چکیلسین:

«ارمنیستان حاکمیتی صلح‌ مقاوله‌سینه دوغرو ایرلیلییر. بیز آذربایجانین اراضی بوتؤولویونو تانیدیق و قاراباغین آذربایجانین بیر حصه‌سی اولماسی مسئله‌سینی قالدیراندا باکی یئنی طلبلر ایر‌لی سورمه‌یه باشلادی: ایندی هر شیین کاغذ اوزرینده اولماسینی طلب ائدیرلر. اما بیزیم طلبلریمیز ده کاغذ اوزرینده اولمالیدیر. اونا گؤره ده آذربایجان قارشی طرفین طلبلرینی تانیماغا مجبور اولدوغو آمریکا و آوروپادا دانیشیقلار داوام ائدیر. آذربایجان اؤزونو قالیب ساییر و حساب ائدیر کی، ایروانی ایسته‌سه، او زمان ایروان اونا وئریلملیدیر».