غربی آذربایجان اجماع‌سی ارمنیستان حکومتینین بو اؤلکه‌نین باش ناظرینین مطبوعات کاتبی واسطه‌سیله بیر داها انسان حقوقلاری مسئله‌سینده ایکی‌اوزلولوک نمایش ائتدیرن و آذربایجانین داخلی ایشلرینه قاریشان بیانات وئرمه‌سینه مناسبت بیلدیریب.

بو باره‌ده Axar.az-آ اجماع‌دان معلومات وئریلیب.

آچیقلامادا بیلدیریلیب: "ایلک اؤنجه خاتیرلاتماق ایستردیک کی، ارمنیستان حکومتی بو اؤلکه‌دن آذربایجان‌لیلاری اتنیک نفرت اساسیندا زوراکی‌لیقلا قووموش، اونلارین مدنی ارثینی داغیتمیش و یئر آدلارینی دییشدیرمیشدیر. ارمنیستان حکومتی بو انسانلارین اؤز ائولرینه قاییتماق حقوقونون رئاللاشماسینا هر وجهله قارشی چیخیر و غربی آذربایجان اجماع‌سینین بو موضوع‌دا دیالوگا باشلاماق چاغیریشلاری قولاقاردینا وورور.

بوتون بونلارین فونوندا ارمنیستان حکومتینین آذربایجانین قاراباغ بؤلگه‌سینده هانسی‌سا هومانیتار پروبلمین اولدوغونو ادعا ائد‌رک اورادا یاشاماقدا اولان ارمنیلری حقوقلاری مسئله‌سی ایله اسپکولیاسییا ائتمه‌سی و آذربایجان رسپوبلیکاسینین داخلی ایشلرینه قاریشماسی ایکی‌اوزلولوک و اراضی ادعاسینان باشقا بیر شی دئییل.

ارمنیستان حکومتینین انسان حقوقلاری مسئله‌سینده آتمالی اولدوغو آددیم اؤز اراضی‌سیندن قوودوغو انسانلارین تهلوکه‌سیز و لیاقتلی شکلده قاییتماسینا قید-شرط‌سیز امکان یاراتماقدیر".

اجماع‌ ارمنیستان حکومتیندن دستروکتیو آددیملارینا سون قویماغی طلب ائدیب و اونو قاییدیش حقوقونون رئاللاشماسی موضوع‌سوندا غربی آذربایجان اجماع‌سی ایله دیالوگا باشلاماغا چاغیریب.