ارمنیستان مدافعه ناظری سورن پاپیکیان بو گون جبهه خطینه گلیب.

Axar.az خبر وئریر کی، بو باره‌ده ارمنیستان مدافعه ناظرلیی معلومات یاییب.

ناظر بیر سیرا دؤیوش پستلاریندا دؤیوش نؤوبتچیلیینین یئرینه یئتیریلمه‌سینه، او جمله‌دن دایاق منطقه‌لرینین تیکینتی‌سی، تجهیز ائدیلمه‌سی، مهندس-استحکام و فورتیفیکاسییا ایشلرینین آپاریلماسینا نظارت ائدیب، عائدیتی بؤلمه‌لرین رهبرلری ایله اؤن جبهه‌ده گؤرولن ایشلرله باغلی بیر سیرا مسئله‌لری مذاکره ائدیب.

پاپیکیانا ایللیک پلاندا نظرده توتولموش ایشلرین گئدیشی و قارشیدا دوران پلانلار باره‌ده معلومات وئریلیب.

سفر زمانی ناظر پاپیکیان دؤیوش نؤوبتچیلیینده اولان حرب‌چیلرله صحبت ائدیب.

قید ائدک کی، بو گون ایران سلاح‌لی قوه‌لرینین باش قرارگاه رئیسی محمد باقیری ده آذربایجان ایله سرحدده یئرلشن پلدشت سرحدینین صفر نقطه‌سینه گلمیشدی.