آوگوستون ۲۵-ده کلبجر رایونونون زار کندینین تمه‌لی قویولوب.

Axar.az خبر وئریر کی، آذربایجان رسپوبلیکاسینین پرزیدنتی ایلهام علیئو و بیرینجی خانیم مهریبان علیئوا مراسمده اشتراک ائدیبلر.

قاچقینلارین و مجبوری کؤچکونلرین ایشلری اوزره دولت کمیته‌سینین صدری روشن رضایئو دولتیمیزین باشچی‌سینا و بیرینجی خانیما کندده گؤروله‌جک ایشلر باره‌ده معلومات وئردی.

بیلدیریلدی کی، زار کندینده عمومی‌لیکده ۸۵۵ عائله‌نین مسکونلاشماسی پلانلاشدیریلیب. یاشایش منطقه‌سینین سالینماسی اوچون ۲۰ ایللیک پرسپکتیو و همین مدتدن سونراکی انکشاف نظره آلینماقلا ۲۴۳ هکتاردان چوخ تورپاق ساحه‌سینین آیریلماسی نظرده توتولوب. بیرینجی مرحله‌ده کنده ۵۴۷ عائله‌نین کؤچورولمه‌سی اوچون بیرمرتبه‌لی فردی ائولرین انشاسی پلانلاشدیریلیر. تیکیله‌جک ۵۴۷ ائوین ۱۳۱-ی ایکی‌اتاقلی، ۲۸۹-او اوچ‌اتاقلی، ۹۲-سی دؤرداتاقلی، ۳۵- بئش‌اتاقلی اولاجاق. بورادا، همچینین ۵۲۸ شاگرد یئرلیک مکتب، ۱۰۰ یئرلیک اوشاق باغچاسی تیکیله‌جک.

پرزیدنت ایلهام علیئو زار کندینین تمه‌لینی قویدو.

قید اولوندو کی، زار کندینده اهالینین مشغوللوغونون و استراحتینین تامین ائدیلمه‌سی اوچون هر جور شرایط یارادیلاجاق، گئنیش آبادلیق و یاشیللاشدیرما ایشلری گؤروله‌جک. بورادا ائولرین و کوچه‌لرین ایشیقلاندیریلماسیندا «یاشیل انرژی»دن استفاده اولوناجاق. دولتیمیزین باشچی‌سینین تاپشیریقلارینا اویغون اولاراق، بوتون ایشلر ان یوکسک سویه‌ده یئرینه یئتیریلجک.

سونرا خاطره شکللری چکدیریلدی.