سون ساعتلار عرضینده قانون‌سوز سلاح‌لی دسته‌لر آغدام استقامتینده آتش‌کسی پوزماقلا برابر، کفایت قدر گئنیش مقیاسدا توپلاماقدادیر. آغدره استقامتینده قانونسوز سلاح‌لیلارین جدی یئردییشمه‌لری مشاهده اولونور.

بو سؤزلری Axar.az-آ ارمنی سپارات‌چیلارین آرتان تخریباتلاری حاقیندا دانیشان حربی اکسپرت عدالت وئردیئو دئییب.

حربی اکسپرت یاخین ساعتلاردا یئنی تخریباتلارین گؤزلنیلدیی حاقیندا خبردارلیق ائدیب:

"قاراباغ‌دا روس صلح‌مراملیلارین موقتی مسئولیت بؤلگه‌سینده یاشایان ارمنی سپارات‌چیلارین «حرب‌چیلری» گئری چاغیرماسی و سلاح توتا بیلنلرین غیرقانونی دسته‌لره جلبی، او جمله‌دن آغدره‌ده حربی تکنیکانین جمع‌لشمه‌سی ایله سلاح‌لیلارین آکتیولیی مشاهده اولونور. قاراباغداکی سپارات‌چیلارین فعالیتی اونلارین یاخین ساعتلاردا تخریبات تؤرتمک اوچون حاضرلیقلارینی دئمک اولار کی، تماملادیقلارینی گؤستریر. بؤیوک احتماللا روس صلح‌مراملیلارین موقتی مسئولیت بؤلگه‌سینده‌کی سپارات‌چیلارین غیرقانونی سلاح‌لی دسته‌لری یاخین ساعتلاردا آغدره استقامتیندن اردوموزون آغدام‌داکی مؤقعلری استقامتینده تخریبات تؤره‌دجکلر. آییق-ساییق اولمالییق و دقتیمیزی خصوصیله آغدره استقامتینه یؤنلتملییک".

قید ائدک کی، آذربایجان مدافعه ناظیرلیی قانونسوز ارمنی سلاح‌لیلارین گئجه ۲۲:۵۵-دن ۲۳:۴۵-ا قدر اردوموزون آغدام رایونو استقامتینده یئرلشه‌ن مؤقعلرینین قارشی‌سیندا سنگرین مهندس جهتدن حاضرلانماسی مقصدیله قازینتیلار آپارماغا جهد گؤستردیکلری باره‌ده معلومات یاییب.