سون گونلر آذربایجان رسپوبلیکاسین‌دا دولت عمومی تحصیل موسسه‌لرینده واحد گئییم قایدالاری و دنیوی‌لیک پرینسیپلری ایله باغلی قبول ائدیله‌ن قرارلار ایران‌دا فعال شکیل‌ده مذاکره اولونور و رسمی-ایدئولوژی رسورسلار طرفین‌دن کسکین رئاکسیا ایله قارشی‌لانیر.

Axar.az خبر وئریر کی، مسئله ایله باغلی اساس مذاکره‌لر داها چوخ سپاه و قوم‌دا یئرلشن ایدئولوژی مرکزلره باغلی سوسیال مئدیا پلاتفورمالارین‌دا آپاریلیر.

قید اولونان قوروملارا باغلی مئدیا رسورسلاری و سوسیال شبکه فعاللاری بو قراری کونتکستدن چیخاراراق آذربایجان رسپوبلیکاسیندا گویا «حجاب قاداغاسی» تطبیق ائدیلدیی باره‌ده مقصدیؤنلو ماتریاللار یاییرلار. تبلیغات کاراکترلی بو پایلاشیملاردا آذربایجان دولتی اسلام دینینه ضد سیاست یوروتمکده اتهام ائدیرلر.

ایرانین داخلین‌ده مجبوری حجاب قانونونا قارشی جدی اجتماعی مقاومتین و ناراضی‌لیقلارین اولدوغو بیر واخت‌دا حاکمیت مطبوعاتی بو موضوع‌دان دقتی یاییندیرماق اوچون بیر فورصت کیمی استفاده ائدیر. آذربایجانی هدف گؤسترمکله اؤز داخلی آودیتورییالارینا شریعت قایدالارینین قورونماسینین واجیب‌لییی باره‌ده ایدئولوژی مئساژلار وئریلیر.

همین مئدیا و سوسیال مئدیا شبکه‌سینده سسلندیریلن اتهاملارلا آذربایجان داخلین‌ده صنعی شکیل‌ده دینی قارشی‌دورما و ناراضی‌لیق گؤرونتوسو یاراتماغا چالیشیلیر، اؤلکه‌ده دنیوی دولتچی‌لیک مدلینی هدف آلاراق شریعت پرینسیپلرینه اساس‌لانان چاغیریشلار ائدیلیر.

بونونلا یاناشی خاریجی اؤلکه‌لرده یاشایان مخالف شخصلر، بلوگئرلر، سوسیال مئدیا کاناللارینین آدمینلری داها فعال اولماغا چاغیریلیر، مسئله‌نین داها گئنیش ایشیقلاندیریلماسی ایله باغلی اونلارا ایسته‌نیلن دستک وئرمه‌یه حاضر اولدوقلاری بیلدیریلیر.

یئرلی ملالرین دا چیخیشلارینین یاییلدیغی همین پلاتفورمالاردا ایرانین دینی و سیاسی رهبرلیینین آذربایجان رسپوبلیکاسی و اسرائیل آراسینداکی مناسبتلری باره‌ده عنعنوی اتهاملار تکرار اولونور.

ایران‌لیلارلا یاناشی همچینین قوم، مشهد، قزوین و تهرانین دینی مرکزلرینده تحصیل آلان تورکییه‌لی علوی طریقتینه منصوب طلبه و درنک رهبرلرینین ده اوخشار چاغیریشلاری یاییم‌لانیر.

بعضی سوسیال مئدیا و انسان حاقلاری فعاللارینین بیلدیردیینه گؤره، آذربایجان‌لی سوسیال مئدیا کاناللاری، او جمله‌دن تبریزین "آذرانجمن" و "تبریزونه" سوسیال مئدیا قوروملارینا "آذربایجان رسپوبلیکاسین‌دا حجابا قاداغا" موضوع‌سون‌دا پایلاشیملار ائتمدیکلرینه گؤره تضییق گؤستریلیب، خبردارلیق ائدیلیب و فعالیت اجازه‌لرینین یئنی‌دن نظردن کئچیریلمه‌سی باره‌ده تهدید ائدیلیبلر.