آمریکا پرزیدنتی دونالد ترامپ جمعه گونو روسیادان دیزل یاناجاغی آلماق باره‌ده "نهنگ" بیر سازش اعلان ائتدی. بو سؤودلشمه سیراوی آمریکالیلارا دئمک اولار کی، هئچ بیر فایدا گتیرمه‌یه‌جک و دیزل یاناجاغی قیمتلرینین آشاغی دوشمه‌سینه سبب اولمایاجاق.

Axar.az خبر وئریر کی، بو باره‌ده «آتلانتیک» نشری بیلدیریب.

«ولادیمیر پوتین اوچون بو سؤودلشمه پوتنسیال بیر خلاص واسطه‌سیدیر. محاربه‌دن اذیت چکه‌ن اوکراینا اوچون ایسه بو، ترامپ طرفیندن ایندیه‌دک تؤردیلمیش ان دهشتلی و آمانسیز خیانت دئمکدیر. ترامپین یاخین اطرافی اوچون ایسه همین سؤودلشمه میلیاردلارلا دلار حجمینده کوروپسیا امکانلاری وعد ائدیر، - نشر بیلدیریب.

قید اولونوب کی، آمریکا پرزیدنتینین ریتینگی کسکین شکلده دوشور و اونا سئچکی عرفه‌سینده حیاتا کئچیریله‌جک، حقیقتا ده ایشه یارایا بیله‌جک سون بیر گئدیش لازمدیر:

«بونا گؤره ده او، روسیا انرژی اینفراستروکتورونا ائندیریله‌ن ضربه‌لری رسپوبلیکاچیلارین آرالیق سئچکیلرله باغلی امیدلری اوچون تهدید کیمی قیمتلندیریر».