اوکتبرین ۱۰-دا آذربایجان رسپوبلیکاسینین پرزیدئنتی ایلهام علیئو روسیه فدراسییاسی چچنستان رسپوبلیکاسینین باشچی‌سی رمضان کادیراوو قبول ائدیب.

Axar.az خبر وئریر کی، قوناغی سلاملایان آذربایجان پرزیدنتی ایلهام علیئو دئدی:

- سیزی آذربایجان تورپاغیندا بیر داها گؤرمک‌دن شادام. خوش گلمیسینیز.

قیسا سفر اولماسینا باخمایاراق، دوشونوره‌م کی، چوخ محصولدار اولاجاق.

یاخشی بیلیریک کی، خالقلاریمیز آراسیندا قارداش‌لیق مناسبتلری قدیم تاریخه مالیک‌دیر و بو گون بیز همرای‌لیک، دوستلوق، امکداش‌لیق نمایش ائتدیریریک.

چچنستان رسپوبلیکاسینین فعال و سرعتلی انکشافیندا قازاندیغینیز بوتون اوغورلارا گؤره سیزی تبریک ائدیره‌م.

اوغورلارینیزا سئوینیریک و رسپوبلیکانین انکشافیندا، رفاهین یاخشیلاشدیریلماسیندا سیزه یئنی نایلیتلر آرزولاییریق.

بیلیرسینیز کی، سیزی بورادا گؤرمییمیزه همیشه شادیق.

چچنستان رسپوبلیکاسینین باشچی‌سی رمضان کادیراوو دئدی:

- حؤرمتلی ایلهام حیدر اوغلو، آذربایجانی و چچنستان رسپوبلیکاسینی دایم بیر چوخ جهتلر بیرلشدیریر. شخصاً منیم اوچون بو، آذربایجان پرزیدنتی حیدر علیئو ایله روسیه‌نین چچنستان رسپوبلیکاسینین بیرینجی پرزیدنتی احمد کادیراوو آراسیندا قارداش‌لیق مناسیبتی‌دیر. الله اونلارین هر ایکی‌سینه رحمت ائل‌ه‌سین. اونلارین هر ایکیسی صلح، ثابت‌لیک و مهربان قونشولوق مناسیبتلری اوچون سعی گؤستریردی، بو سبب‌دن من بورایا قونشولارا دئییل، قارداشلارا سفره گلمیشم.