دنیا بانکی آذربایجان، ارمنستان و گورجوستانلا باغلی اقتصادی آرتیم پروگنوزونو یئنیله‌ییب.

Axar.az خبر وئریر کی، دنیا بانکی متخصصلری ارمنستان اقتصادیاتینین انکشافی ایله باغلی پروگنوزلارینی آرتیریبلار. اونلارین حسابلامالارینا گؤره، ارمنستان اقتصادیاتی بو ایل ۵،۶%، ۲۰۲۷-جی ایلده ۵،۳%، ۲۰۲۸-جی ایلده ۵،۱% آرتاجاق.

عمومی‌لیکده، جنوبی قافقاز رگیونون‌دا آرتیمین اساس حرکت‌وئریجی قوه‌سی خدمت سکتورو اولاراق قالیر و ارمنستان اقتصادیاتینین انکشافی منزل و اینفراستروکتور تیکینتیسینین آکتیو آرتیمی ایله باغلیدیر.

دنیا بانکی اکسپرتلری آذربایجانلا باغلی بوندان اؤنجه اعلان ائتدیکلری پروگنوزو آزالدیبلار. بئله کی، آذربایجانین اقتصادی انکشافینین ۲۰۲۶-جی ایل اوچون ۱،۲%، ۲۰۲۷-جی ایلده ۱،۸%، ۲۰۲۸-جی ایلده ایسه ۱،۹% اولاجاغی گؤزله‌نیلیر.

بو، نفت سکتوروندا داوام ائد‌ن ایستروکتور گئریله‌مه و غیر نفت سکتورونون گؤزله‌نیله‌ندن داها پاسیو انکشافی سببیندن دولت کاپیتال خرجلرینین آزالماسی ایله ایضاح ائدیلیب.

گورجوستان بو ایل جنوبی قافقازدا ان یوکسک اقتصادی آرتیم تمپینی قورویوب ساخلایاجاق: ۷%-ا یاخین. دنیا بانکی ۲۰۲۷-جی ایلده گورجوستان اقتصادیاتینین ۵،۵%، ۲۰۲۸-جی ایلده ایسه ۵% آرتاجاغینی گؤزله‌ییر.