آذربایجان‌دا ال‌جی‌بی‌تی تبلیغاتینین قاداغان ائدیلمه‌سی حاقیندا قانون قبول اولوناجاق.

Axar.az خبر وئریر کی، یئنی قانونلا ال‌جی‌بی‌تی موضوع‌سونون اجتماعی مکانلاردا، مئدیادا و دیگر اینفورماسییا کاناللاریندا تبلیغی ایله باغلی محدودیتلرین تطبیقی نظرده توتولور.

یئنی قانونون قبولو و تطبیقی ایله باغلی آشاغی‌داکی کاتگورییالار اوزره موافیق آددیملار آتیلاجاق:

مئدیا و اینترنت: ال‌جی‌بی‌تی مناسبتلرینی تشویق ائتدیی حساب اولونان معلوماتلارین یاییلماسی محدودلاشدیریلاجاق.

رکلام و کینو: موافق مضمونون رکلام و فیلملرده یاییلماسی، تبلیغی قادان ائدیله‌جک.

تحصیل: مکتبلرده غیری-عنعنه‌وی سکسوال اورینتاسیالاری تبلیغ ائد‌جک مضمون بیرمعنالی اولاراق مقبول حساب ائدیلمه‌یه‌جک.

حقوقی مسئولیت: قانون پوزولماسی حاللاریندا جریمه و دیگر انضباطی تدبیرلر تطبیق اولوناجاق.

قید ائتمک لازیم‌دیر کی، موافق قانونون تطبیقی ایله باغلی اساسلاندیرما ایلک نوبه‌ده اوشاقلارین ساغلام‌لیق و انکشافینا ضررلی حساب ائدیله بیله‌جک اینفورماسییالاردان قورونماسی ایله باغلی‌دیر. سؤزوگئدن قانونلا «غیری-عنعنه‌وی سکسوال اورینتاسیانین» و پدوفیلی‌یانین تبلیغی اوشاقلار اوچون قاداغان اولونموش اینفورماسییا کاتگوریاسینا داخیل ائدیله‌جک.

موافق کاتگوریایا عاید معلوماتلارین یتکین‌لیک یاشینا چاتمایان شخصلره یاییلماسی قاداغان اولوناجاق.

موافق پروسس عینی زمان‌دا کوتلوی اینفورماسییا واسطه‌لرینه ده شامیل اولوناجاق. پوزونتو آشکارلاندیق‌دا مئدیا قوروملارینین فعالیتینین دایاندیریلماسی، خارجی مئدیا اوچون ایسه اؤلکه‌ده فعالیت اجازه‌سینین لغوی کیمی تدبیرلر نظرده توتولاجاق. مئدیا قورومونون صاحبی و مئدیا رهبری اوچون ده مسئولیت قاچیلماز اولاجاق.

طبیعی کی، اینفورماسییا مکانینین سرعتله گئنیشله‌نمه‌سی فونون‌دا سؤزوگئدن قانونون تطبیقی تله‌کوممونیکاسییا شبکه‌لری و اونلاین پلاتفورمالار اوچون ده عینی درجه‌ده اهمیتلی اولاجاق. بونا گؤره اینترنت‌ده پایلاشیم، ویدئو، بلوگ یازیسی و اجتماعی چاغیریشلار قانونون تطبیق دایره‌سینه دوشه بیلر.

عینی زامان‌دا رکلام و کینو ساحه‌سینده ده قانونون تطبیقی بؤیوک حساس‌لیق طلب ائد‌جک.

قید ائدک کی، قانونون تطبیقی ایله عینی زامان‌دا حقوقی مسئولیت ده اورتایا چیخیر. بئله کی، قانون پوزونتوسونون کاراکترین‌دن آسیلی اولاراق جریمه‌لر، تکرار خطایا یول وئردیک‌ده انضباطی حبس تطبیقی ممکن‌دور.

مئدیا و اینترنت رسورسلارینا قارشی تنبه تدبیرلری ده موافیق حقوقی پروسئدورلار چرچیوه‌سینده حیاتا کئچیریله‌جک.