۱۰ اوکتبر عموم‌دنیا اعداما قارشی مبارزه گونو کیمی قید اولونور.

Axar.az خبر وئریر کی، بو بین‌الخالق گون ایلک دفعه ۲۰۰۳-جو ایلده اعداما قارشی دنیا کوالیسییاسی (World Coalition Against the Death Penalty) طرفیندن اؤلوم حکمونون تامامیله لغو ائدیلمه‌سینه دستک وئرمک و بو موضوع‌دا گلوبال معاریفلندیرمه یاراتماق مقصدیله تاسیس ائدیلیب. اروپا شوراسی و اروپا بیرلییی ده بو تاریخی همچینین "اروپا اعداما قارشی مبارزه گونو" کیمی تانیییر.

مقصد، اؤلوم جزاسینین تطبیق ائدیلدیی اؤلکه‌لرده اعداملارین دایاندیریلماسی، بو جزانین انسان لیاقتینه ضد اولدوغونون وورغولانماسی و جنایت-عدالت سیستملرینده اصلاحاتلارین آپاریلماسی‌دیر.

بو بین‌الخالق عفو تشکیلاتی، بیرلشمیش ملتلر تشکیلاتی و بیر چوخ بین‌الخالق حقوق-مدافعه تشکیلاتلاری طرفیندن گئنیش شکیلده دستک‌لنیر.

بین‌الخالق حقوق مدافعه تشکیلاتلارینین حساباتلارینا اساساً، چین و ایران اسلام رسپوبلیکاسی حیاتا کئچیریلن اعداملارین سایینا گؤره سیرا ایله دنیادا ۱-جی و ۲-جی یئرده قرارلاشیلار.

حساباتلارا گؤره، خصوصاً سون ایللر ایران‌دا اعداملارین سایی کسکین شکیل‌ده آریب. تکجه ۲۰۲۵-جی ایلده اؤلکه‌ده ان آزی ۲ ۱۵۹ نفر اعدام ائدیلیب کی، بو دا ۱۹۸۱-جی ایلده‌ن بری قیده آلینان ان یوکسک گؤستریجی‌دیر. ۲۰۲۶-جی ایلین ایلک آیلاریندا دا بو داوام ائدیب.

بیلدیریلیر کی، جاری ایلده ایران‌دا ۱۰۰۰-دن چوخ محبوس اعدام ائدیلیب، اونلاردان ۵۰۰-دن چوخونون کیم‌لییی معین‌لشدیریلیب.

انسان حاقلاری تشکیلاتلاری بیان ائدیر کی، ایران حکومتی اؤلوم حکمون‌دن جمعیت‌ده قورخو یاراتماق، داخیلی اعتراضلاری یاتیرماق و سیاسی رپرسسییا فورماسی کیمی استفاده ائدیر.