تورکیه جمهورباشقانی رجب طیب اردوغانین آذربایجان، روسیا و ارمنیستانا لیدرلر سویه‌سینده دؤردطرفلی گؤروش کئچیرمیی تکلیفی بؤلگه‌ده صلحه و امکداشلیغا خدمت ائدیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، روسیا پرزیدنت ولادیمیر پوتینین بو تکلیفه قارشی چیخاجاغینی ظن ائتمیر:

«پوتین اوچون اساس اولان آمریکایلا آوروپا اتفاقینی ارمنیستاندان و بؤلگه‌دن اوزاق توتماقدیر. البته، کرمل تورکیه‌نین جنوبی قافقازداکی فاللیغیندان، آذربایجانلا استراتژی متفقلییندن ممنون دئییل. آنجاق پوتین آمریکایلا تورکیه آراسینداکی سئچیمده شبهه‌سیز ایکینجییه اوستونلوک وئرر. پروبلم ارمنیستانین باش ناظری نیکول پاشینیانلا باغلیدیر. اردوغان دؤردلو گؤروش تکلیفینی تلفون صحبتینده پاشینیانا بیلدیریب. نیکول پاشینیان سون بیر ایلده فرانسا پرزیدنتی امانوئل ماکرونون اشتراکی اولمادان آذربایجان پرزیدنتی ایلهام علیئوله گؤروشلردن چکینیر. دؤردلو گؤروش پرسپکتیوی پاشینیانی داها چوخ قورخودور، چونکی ماسانین بیر طرفینده ارمنیلرین ایللردیر دشمن گؤزویله باخدیقلاری تورکیه‌نین لیدری، دیگر طرفینده ده مناسبتلرینی پوزماغا باشلادیغی روسیا پرزیدنتی اوتوراجاق. واشینگتونلا پاریس ده دؤردلو گؤروش تکلیفیندن ممنون قالمادیقلاریندان گؤروشون رئاللاشماماسی اوچون پاشینیانا تضییق ائد‌جکلر».