اسرائیل حربی هوا قوه‌لرینه مخصوص قیریجی طیاره‌لر وارشاوادان تل-اویوه اوچان سرنشین طیاره‌سی ایله علاقه‌نین کسیلمه‌سی خبریندن سونرا اونو مشایعت ائتمک اوچون هوایا قالدیریلیب.

Axar.az خبر وئریر کی، بو باره‌ده اسرائیل مدافعه قوه‌لرینین (چاخال) معلومات یاییب.

بیلدیریلیب کی، طیاره ایله علاقه‌نین کسیلمه‌سیندن سونرا اونو مشایعت ائتمک اوچون ایکی قیریجی طیاره گؤندریلیب.

اوچوش ایزله‌مه خدمتلرینین معلوماتینا گؤره، اوچوشو حیاتا کئچیرن پولشا هوا یوللارینا مخصوص طیاره دؤنوش ائد‌رک، آرالیق دنیزی اوزریندن اوچوب.

اسرائیل مدافعه قوه‌لری داها سونرا طیاره ایله علاقه‌نین برپا اولوندوغونو و اینسیدنتین باشا چاتدیغینی آچیقلاییب.

قید ائدک کی، پولشا هوا یوللارینا مخصوص طیاره‌نین نیه راداری سؤندوردویو بیلینمیر. آنجاق ایلکین احتمالا گؤره، طیاره تورکیه اوزریندن اوچماغی پلانلاشدیریب. یاییلان معلوماتدا طیاره‌نین «دؤنوش ائد‌رک» آرالیق دنیزی اوزریندن اوچماسی وورغولانیر.

خاطیرلاداق کی، تورکیه اؤز سماسینی اسرائیل اوچون باغلاییب.