ارمنیستانین دولت بودجه‌سی ۲۰۲۴-جو ایل اوچون کسکین شکیلده آرتیب و ۷،۷۷ میلیارد دلارا چاتیب. ۲۰۲۳-جو ایلده بو رقم ۶،۳ میلیارد ایدی، آنجاق ایلین اورتاسیندا هم دلارین کورسونداکی دییشیکلیک، هم ده آرتیملا باغلی ۶،۶ میلیارد دلاردان یوخاری قالخمیشدی.

بئله گؤرونور کی، ارمنیستان بودجه‌سی بیر ایلده ۱،۱ میلیارد دلار آرتیب.

۲۰۲۲-جی ایل اوچون ارمنیستانین اقتصادی آرتیمی ۱۲ فایزدن چوخ ایدی، ۲۰۲۳ و ۲۰۲۴-جو ایللرده بو رقمین ۷ فایزین اوزرینده اولاجاغی گؤزلنیلیر.

ارمنیستان دولت بودجه‌سینین تخمیناً ۸۵%-ی بودجه داخل‌اولمالاری حسابینادیر.

آذربایجانین دولت بودجه‌سی ۲۰۲۴-جو ایل اوچون ۲۲ میلیارد دلارا یاخیندیر – ۳۶،۸ میلیارد مانات جیواریندا. تخمیناً ۳۴ میلیارد گلیر نظرده توتولور کی، بونون دا ۱۲،۷ میلیاردی نفت فوندوندان ترانسفر اولاجاق. دئمک، وئرگی داخل‌اولمالارینین بودجه‌ده پایی ۶۰ فایزه یاخیندیر کی، بو دا یوکسک گؤستریجی دئییل. اوسته‌لیک، ۲۰۲۳-جو ایلده بودجه‌میزه یئنی‌دن باخارکن، خرجلر ۳۶،۶ میلیارد، گلیرلری ایسه ۳۳،۸ میلیارد ماناتا قالدیریلمیشدی. بو حسابلا ۲۰۲۴-جو ایل اوچون بودجه آرتیمی ۲۰۰ میلیون مانات – تخمیناً ۱۲۰ میلیون دوللاردیر؟

البته، ۲۰۲۴-جو ایلده بودجه‌یه تکرار باخیلاجاق و اهمیتلی آرتیم اولاجاق – نئجه کی، ۲۰۲۳-جو ایل بودجه‌سی آرتیریلمازدان اؤنجه، پروگنوزلاردا خرجلری ۳۳،۴ میلیارد، گلیری ۳۰،۸ میلیارد دلار ایدی.

آنجاق اونوتمایاق کی، ارمنیستاندا ۲۰۲۴ بودجه پروگنوزو ۲۰۲۳-جو ایلین آرتیمیندان سونرا ایله مقایسه‌ده ۱،۱ میلیارد دلار چوخالیب.

ارمنیستان اقتصادیاتینین ۲۰۲۲-جی ایلدن باشلایاراق، بو قدر سیچراییشلا بؤیومه‌سینین سببلری آیدیندیر: آورپا بیرلیی-نین جدی اقتصادی دستیی، ۳ میلیاردی آشان مالیه یاردیمی، گرانتلار اؤز یئرینده، اساس سبب روسیایا تطبیق ائدیله‌ن سانکسییالاردیر. ارمنیستانین روسیایا اخراجی ۲۰۲۲-جی ایلده ۴ دفعه‌دن چوخ آرتیب، روسیادان پول آخینی دا کسکین چوخالیب. روسیا صاحبکارلاری سانکسییالاردان یایینماق اوچون ارمنیستاندا موسسه‌لر یارادیرلار و پول یاتیریرلار، خارجی علاقه‌لری بو اؤلکه‌نین اوزریندن ائدیرلر. نتیجه‌ده ارمنیستاندا سون بیر ایلده ۱۰ میندن چوخ روس شرکتی آچیلیب – هامیسی دا ارمنیستان بودجه‌سینه کوللی مقداردا وئرگی وئریر.

۲۰۲۳-جو ایل گؤستریجی‌سی داها یوکسکدیر: روسیایا اخراجدا ۲۰۲۲-جی ایلدکی ۴ دفعه آرتیم ۲۰۲۳-جو ایلده داها ۲،۱ دفعه چوخالیب. فاکتیکی اولاراق ارمنیستانا روسیایا سانکسییالارا گؤره میلیاردلار سل کیمی آخیر. ارمنیستان بو وسائطلری هارا یؤنلدیر؟

ارمنیستان باش ناظری پاشینیان فخرله دئییر کی، ۲۰۱۸-جی ایلدن ایندییه قدر حربی بودجه ۱۱۰ فایزه قدر آرتیریلیب – نظره آلاق کی، ارمنیستان ائله بو ایل هیندیستان و فرانسادان یوز میلیونلارلا دلارا سلاح-سورسات آلیب و یاخود حربی سازش باغلاییب.

خاطیرلاییرسینیزسا، بیر نئچه ایل اؤنجه آذربایجانین یالنیز حربی خرجلری ارمنیستانین دولت بودجه‌سیندن چوخ ایدی: ایندی حربی خرجلریمیز ارمنیستانین دولت بودجه‌سیندن ۳ دفعه آزدیر.

البته، بو، ارمنیستانین اقتصادی گؤستریجیلره گؤره بیزی قاباقلادیغی آنلامینا گلمیر: بودجه‌میز ده، اراضیمیز ده، اهالیمیز ده ارمنیستاندان ۳ دفعه بؤیوکدور – اردوموزو ایسه قطعیا مقاییسه ائتمزدیم. هله اونو دئمیرم کی، حاضردا اؤلکه‌نین رسورسلارینین اهمیتلی حصه‌سی قاراباغا خرج‌نیر. قیسا مدتده قاراباغ اؤلکه اقتصادیاتینا دا اینتگراسییا اولوناجاق و نه‌اینکی اورا علاوه وسائط گئدجک، عکسینه، قاراباغ اقتصادی رایونو اؤلکه‌میزین گلیرلرینده مخصوصی یئرینی توتاجاق. یعنی قاراباغ‌داکی برپا-قوروجولوق ایشلری هم ده دولتیمیزین اینوستی‌سییاسیدیر – یاخین ایللرده بو اینوستی‌سییانین نتیجه‌سینی پارلاق شکلده اقصادی حیاتیمیزدا گؤرجییک.

آنجاق فاکت اودور کی، ارمنیستان اقتصادیاتی انکشاف ائدیر و ارمنیلری اونیللردیر یاخشی تانییان شخص کیمی امینلیکله بیان ائدیرم کی، بو اؤلکه‌نین انکشافی رگیونا یاخشی هئچ نه وعد ائتمیر. ارمنیستان ۲۰۱۶-جی ایلدن بری اونا گؤره دارماداغین ائدیلیر، اونا گؤره بوتون پلاتفورمالاردا مغلوب اولور کی، آذربایجان بو اؤلکه‌نی «دالان رسپوبلیکاسینا» چئویرمیی باجاردی – بوتون ترانسمیللی لایحه‌لردن کناردا قویدو.

ارمنیستانین اقتصادی باخیم‌دان «سیچراییشلی» آرتیمی موقتیدیر: روسیا فاکتورو آرادان قالخان کیمی ارمنیستان اقتصادیاتی دا چؤکه‌جک. آنجاق بو، یاخین ایللر اوچون دئییل.

ارمنیستان حاکمیتی ده بونو یاخشی بیلیر و جد-جهدله رگیونال لایحه‌لره قوشولماغا چالیشیر کی، بیر نئچه ایلدن سونرا روسیایا سانکسییالارلا الده ائتدیکلری امکان یوخ اولاندا، افلاس ائتمه‌سین. پاشینیان اونا گؤره ارمنیستانی «نقلیات هابینا» چئویرمه‌یه چالیشیر؛ اونا گؤره یئنی لایحه‌لر تقدیم ائدیر؛ اونا گؤره کئچید اوچون «ساده‌لشمیش گمرک و وئرگی پروسدورو» تکلیف ائدیر.

البته، بو باره‌ده اقتصادچیلار داها مکمل دیرلندیرمه آپارا و تکلیفلر وئره بیلر – بیز موجود ایستاتیستیکایا غیر-اقتصادی، عمومی-سیاسی باخشیمیزی تقدیم ائدیریک. ائله بونا گؤره ده تکلیف ائدیریک کی، زنگزور دهلیزینی بیردفعه‌لیک یاددان چیخاراق – ایندی یالنیز هوا نقلیاتی و ایلین ۹ آیی ایشلمه‌یه‌ن لارس یولو ایله روسیادان میلیاردلار قازانان ارمنیستان دمیر یولو آچیلاندان سونرا نلر الده ائد‌جک؟ ایراندان کئچن مارشروت داها مقصده اویغوندور: هم ایرانلا علاقه‌لرین گئنیشلنمه‌سی باخیمیندان، هم ده گله‌جک میللی هدفلره گؤره. هئچ واخت نظردن قاچیرمایاق کی، حاضردا ایراندان کئچمه‌سی نظرده توتولان دهلیز-یول گونئی آذربایجان اراضی‌سیدیر و ایران بوتون تاریخی بویو گونئی آذربایجانین نه واختسا آیریلاجاغینی هر زمان دوشونوب و دئییب.

بیر خاطیرلاتما: هله ۱۹۹۵-جی ایلده تبریزده تورکلرین یاشادیغی ایالتلرین اقتصادی باخیم‌دان گئریده قالماسینا دایر ایران ناظیرلر کابینتینین اجلاسیندا همین واخت خارجی ایشلر ناظری وظیفه‌سینی توتان علی اکبر ولایتی دئمیشدی: «بیز نیه آذربایجانا سرمایه قویمالییق؟ آذربایجان (گونئی آذربایجان) اول-آخیر ایراندان آیریلاجاق، اونا گؤره من بو ایالتلره اینوستیسییا قویولوشونو مصلحت بیلمیرم».

ولایتی حاضردا دا یوکسک وظیفه توتور و خامنه‌اینین مشاوریدیر.

بو باخیم‌دان ارمنیستانا اقتصادی شانس تانییان، اونو رگیونال اویونچولارین دسته‌سینه قوشان بیر لایحه‌دن ایروانین کناردا ساخلانیلماسی، «دالان رسپوبلیکاسی» کیمی قالماقدا داوام ائتمه‌سی سیاستی - ارمنیستانلا کمونیکاسییالارین آچیلماماسی - داها مقبولدور.

زنگزور دهلیزی ایله خالقلار آراسیندا مناسبتلرین ایستیلشمه‌سینین ده سرعتلنجیی شبهه‌سیزدیر. ارمنیلرین یئنی‌دن ایچیمیزه گیرمه‌سینه راضییقمی؟ یالنیز بیر عصرده - ۲۰-جی یوزیلده ۴ دفعه ایری‌مقیاسلی سویقیریم و دپورتاسییانی اونودوب، ارمنیلری ایچیمیزده عزیزله‌دیک – آجی نتیجه‌سی هله ائویمیزده‌دیر.

من ارمنیلرله هئچ بیر انسیت، یاخینلاشما ایسته‌میرم – سیز اؤزونوز بیلرسینیز!