آمریکا پرزیدنتی دونالد ترامپین ایران اوچون وئردیی مدت آزالیر. بونو گؤرن ترامپین تهدیدلری و غضبلی موقعیی ایسه گئتدیکجه آرتیر. عینی زمان‌دا، ۲۸ فورال‌دا هجوم نتیجه‌سینده اؤلن دینی لیدر علی خامنه‌ای باش‌دا اولماقلا، اونلارلا یوکسک روتبه‌لینین اربعینی (قیرخینجی گون) ده یاخینلاشیر. اربعین آنلاییشی شیعه بؤلگه‌سینده چوخ اؤنملیدیر و سیاسی یادداشدا یالنیز بیر یاس مراسمی دئییل، هم ده قصاص و حسابلاشما واختی کیمی قبول ائدیلیر. یعنی ایتیریله‌نین گئری آلیناجاغی و دؤیوش میدانین‌داکی بالانسلارین یئنیدن قورولاجاغینا دایر بیر اینانج‌دیر.

Axar.az خبر وئریر کی، بونو تورکیه‌لی حربی اکسپرت عبدالله آغار قید ائدیب.

«البته، اربعین گونو تکجه طالعیی معین ائد‌ن آنی بیر مقام و یا آوتوماتیک عملیات باشلانغیجی دئییل. لاکن اراده، اینام و عملیات قابلیتی ایله بیرلشدیکده، محاربه‌نین گئدیشاتینی دییشه بیله‌جک نادر آنلاردان بیری اورتایا چیخیر.

بو قدر آغیر ضربه آلان، یالنیز مدافعه، زمانی اوزاتماق، «من یانسام، سیز ده یانارسینیز»، همچنین کیلیدله‌مه مقصدلی هجوملار ائد‌ن ایران اربعین گونو اوچون خصوصی یاناشما، حتی استراتگییا فورمالاشدیرا بیله‌جکمی؟ یوخسا یئنه مقاومت خطینده قالاجاق؟

بو کونتکستلرده اربعین گونو ایران اوچون یالنیز سیموولیک بیر ریتوال دئییل. خصوصیله، حربی و کیبر ساحه‌ده باجاریقلارین، مقاومت گروپلارینین و رگیونال آکتورلارین همین زمان چرچیوه‌سینده یاراداجاغی تأثیر ده کریتیک اولاجاق.

طبیعی کی، آمریکا و اسرائیل بو احتمالی نظره آلیر. بلکه ده ترامپین وئردیی مدتین بیتمه گونو، سرت چیخیشلاری و پروگنوزلاشدیریلا بیلمه‌یه‌ن داورانیشی دا بونونلا باغلی‌دیر.

چونکی ماراقلی بیر زمانلاما وار: ترامپین وئردیی مدت چرشنبه گونو بیتیر. محاربه‌نین اربعینی ایسه جمعه آخشامی ایشه باشلاییر»، - او بیلدیریب.
اکسپرتین فکرینجه، کریتیک زمانلاما یارانیب:

«چرشنبه اؤنجه‌سی دیپلماتیا و تضییق، چرشنبه ایله چمعه آخشامی آراسی هجوملارین قارشی‌سینین آلینماسی، جمعه آخشامی (اربعین) و سونراسی ایسه محاربه‌نین یئنی بیر فازایا کئچمه‌سی باخیمیندان کریتیک مقاملار اورتایا چیخیر.

اگر ترامپین وئردیی مدت ایشه یاراماسا، آمریکا و اسرائیل «پروفیلاکتیک هجوم دکترینا»سینی ایشه سالسالار، هوا ضربه‌لری، کشفیات و احتمال اولونان دیگر عملیاتلارلا اربعینین ممکون اولان سیموولیک تأثیرینی مینیموما ائندیرمه‌یه چالیشاجاقلار. عینی زمان‌دا، اربعین تشببوسونو ده اساساً بؤلگه‌ده مذهب قارشیدورماسینی درینلش‌دیرمک مقصدیله اؤز ماراقلارینا اویغون استفاده ائتمک ایسته‌یه‌جکلر.

فکریمجه، اربعین پسیخولوژی و استراتژی سرحدلری تمثیل ائدیر. بو نقطه‌ده طرفلرین قرار مخانیزملری و اراده‌لری میدانداکی دویون نقطه‌لرین‌ده سیناناجاق.

بو دویونلر داخلی و خارجی شیعه جمعیتلری، حربی گروپلار، ساحه‌ده‌کی گوج ایستروکتورلاری، آکتورلار و مقاومت گروپلاریدیر.

بو دویونلرین جانلاندیریلماسی و موتیواسییالارینین آرتیریلماسی اربعین باخیم‌دان حل‌ائدیجی اولاجاق».