۲۰۲۰-جی ایلین پاییزیندا باش وئرن حادثه‌لر جنوبی قافقازداکی گئوسییاسی وضعیتی اهمیتلی درجه‌ده دییشدی و رگیون اوچون اوزون‌مدتلی انکشاف یولونا کئچمک امکانی یاراتدی.

Axar.az خبر وئریر کی، بو فیکیرلری روسیالی پولیتولوق دمیتری سولونیکوو ۴۴ گونلوک وطن محاربه‌سی ایله باغلی آذرتاج-آ آچیقلاماسین‌دا دئییب.

اونون سؤزلرینه گؤره، آذربایجانین حیاتا کئچیردیی تدبیرلر اؤلکه‌نین بین‌الخالق سوییه‌ده تانینمیش سرحدلری داخلینده اراضیلری اوزرینده نظارتین برپاسینا یؤنلمیشدی:

«حقوقی باخیمدان بو، بین‌الخالق قایدالار، قانونلار و قوه‌ده اولان راضیلاشمالار چرچیوه‌سینده اؤز سووئرن اراضیلری اوزرینده نظارتین برپا ائدیلمه‌سیندن عبارت تمامیله قانونی آددیمدیر».

پولیتولوق حساب ائدیر کی، ۲۰۲۰-جی ایل حادثه‌لرینین ان مهم نتیجه‌لریندن بیری جنوبی قافقازین بوتون کونفیگوراسیاسینین دییشمه‌سی اولدو:

«داوام ائد‌ن، سنگیمه‌یه‌ن مناقشه‌نین و غیر معین گلجه‌یین مشاهده اولوندوغو رگیونون معین گله‌جه‌یه مالک بیر وضعیته کئچمه‌سی اوچون امکان یاراندی.

یئنی وضعیت جنوبی قافقازین اوزون‌مدتلی پرسپکتیوده استراتژی انکشافیندان دانیشماغا امکان وئریر. بونونلا یاناشی، اکسپرت قید ائدیب کی، آذربایجان، خصوصیله ده مینالاردان تمیزله‌مه ایله باغلی بیر سیرا مرکب مسئله‌لری حل ائتمه‌لیدیر».

سولونیکوو وورغولاییب کی، جنوبی قافقازدا باش وئرن دییشیکلیکلر یالنیز آذربایجان و ارمنستان اوچون دئییل، هم ده قونشو دولتلر - روسیا، تورکیه و ایران اوچون اهمیت داشییر:

«یئنیدن نرمال شرایط‌ده یاشاماق امکانی یاراندی. بو، تئز و درحال باش وئرمه‌یه‌جک، لاکن معین واختدان سونرا خالقلار یئنیدن اونسیت قورا بیله‌جکلر، بیر-بیرلرینه آوتوماتین نشانگاهیندان باخمایاجاقلار».

اکسپرت نقلیات کمونیکاسییالارینین انکشاف پرسپکتیولرینه ده خصوصی دقت یئتیریب:

«جنوبی قافقاز مناقشه‌لر و آییریجی خطلر مکانی اولماقدان چیخاراق انکشاف ائتمیش نقلیات اینفراستروکتورونا مالک رگیونا چئوریلمه‌لیدیر».

او، شمال-جنوب بین‌الخالق مارشروتونون، اورتا دهلیزین، ائلجه ده آذربایجانین اساس اراضیسی ایله ناخچیوان مختار رسپوبلیکاسی آراسیندا ارمنستان اراضی‌سیندن کئچه‌ن نقلیات علاقه‌سینین اهمیتینی قید ائدیب.

پولیتولوقون فکرینجه، مختلف نقلیات مارشروتلارینین بیر-بیرینه باغلانماسی بوتون جنوبی قافقازین ترانزیت پوتنسیالینی اهمیتلی درجه‌ده گوجله‌ندیره و اونون روسیا، تورکیه، ایران و مرکزی آسیا دولتلری ایله علاقه‌لرینی گئنیشله‌ندیره بیلر.

بونونلا یاناشی، سولونیکوو حساب ائدیر کی، رگیونون گلجه‌یی و کمونیکاسییالارین بلوکدان چیخاریلماسی ایله باغلی مسئله‌لرین ایلک نوبه‌ده جنوبی قافقاز اؤلکه‌لرینین و اونلارلا قونشو دولتلرین اؤزلری طرفیندن حل ائدیلمه‌سی پرینسیپیال اهمیت داشییر:

«نقلیات علاقه‌لرینین انکشافی سون درجه واجبدیر. ایلک نؤوبه‌ده آذربایجان و ارمنستانین بیر-بیری ایله راضیلیغا گلمه‌سی لازم‌دیر. داها گئنیش معنادا ایسه صحبت آذربایجان، روسیا، ایران، ارمنستان، تورکیه و گورجوستاندان گئدیر. بیز راضیلیغا گلمه‌لی و نقلیات اینفراستروکتوروموزو انکشاف ائتدیرملییک. کمونیکاسییالار و اقتصادی امکداشلیق جنوبی قافقازدا ثابتلیین محکملندیریلمه‌سینین و رگیونون اوزون‌مدتضلی انکشفی اوچون شرایط یارادیلماسینین اساس عامللریندن بیرینه چئوریله بیلر».