تهرانین ائوین حبسخاناسیندا ساخلانیلان و اورک چاتیشمازلیغیندان اذیت چکن نوبل صلح مکافاتی لاورئاتی نرگس محمدی بو گون خسته‌خانایا کؤچورولوب.

Axar.az خبر وئریر کی، بو باره‌ده اونون آدینا فعالیت گؤسترن سوسیال مدیا کانالی معلومات یاییب.

حکیملر اونون اوریینین ایکی دامارینین تیخاندیغینی، اوریینین اطرافیندا مایع‌نین ییغیلدیغینی و قیدا بوروسونون شدتلی التهابیندان اذیت چکدیینی بیلدیریبلر.

قید ائدک کی، گونئی آذربایجانین زنجان شهرینده دوغولان نرگس محمدی حاضردا تهرانین ائوین حبسخاناسیندا ساخلانیلیر. او، ۱۰ ایل ۸ آی حبس، ۱۵۴ شاللاق جزاسینا محکوم ائدیلیب. محمدینین وضعیتینین آغیر اولماسینا باخمایاراق، بوندان اول حبسخانادا مجبوری حجاب باغلامادیغینا گؤره خسته‌خانایا کؤچورولمه‌سینه اجازه وئریلممیشدی.