بو گون آذربایجان خالقینین عموم‌میللی لیدری حیدر علیئوین وفاتینین ایلدؤنومودور.

Axar.az خبر وئریر کی، حیدر علیئوین وفاتیندان ۲۰ ایل اؤتور.

حیدر علیرضا اوغلو علیئو ۱۹۲۳-جو ایل ماین ۱۰-دا آذربایجانین ناخچیوان شهرینده آنادان اولوب. ۱۹۳۹-جو ایلده ناخچیوان پداگوژی تکنیکومونو بیتیردیکدن سونرا آذربایجان صنایع اینستیتوتونون (ایندیکی آذربایجان دولت نفت آکادمییاسی) معمارلیق فاکولته‌سینده تحصیل آلیب. باشلانان محاربه اونا تحصیلینی باشا چاتدیرماغا امکان وئرمییب. ۱۹۴۱-جی ایلدن حیدر علیئو ناخچیوان ام.اس.اس.ار خالق داخلی ایشلر کومیسسارلیغیندا و ناخچیوان ام.اس.اس.ار خالق کومیسسارلاری سووئتینده شعبه مدیری وظیفه‌سینده ایشلییب. ۱۹۴۴-جو ایلده دولت تهلوکه‌سیزلیی ارگانلاریندا ایشه گؤندریلیب.

تهلوکه‌سیزلیک ارگانلاری سیستمینده چالیشان حیدر علیئو ۱۹۶۴-جو ایلدن آذربایجان اس.اس.ار ناظیرلر سووئتی یانیندا دولت تهلوکه‌سیزلیی کمیته‌سی صدرینین معاونی، ۱۹۶۷-جی ایلدن ایسه صدری وظیفه‌سینده ایشله‌ییب، گنرال-مایور رتبه‌سینه قدر یوکسلیب. همین ایللرده او، لنینگراد شهرینده (ایندیکی سانکت-پتربورگ) خصوصی عالی تحصیل آلیب، ۱۹۵۷-جی ایلده ایسه آذربایجان دولت اونیورسیتتینین تاریخ فاکولته‌سینی بیتیریب.

آذربایجان کمونیست پارتییاسی مرکزی کمیته‌سینین ۱۹۶۹-جو ایل ایول پلنوموندا حیدر علیئو آذربایجان کمونیست پارتییاسی مرکزی کمیته‌سینین بیرینجی کاتبی سئچیله‌رک رسپوبلیکانین رهبری اولوب.

۱۹۸۲-جی ایلین دکابریندا سووئت اتفاقی کمونیست پارتییاسی مرکزی کمیته‌سی سیاسی بوروسونون عضوو سئچیله‌ن حیدر علیئو اس.اس.ار ناظیرلر سووئتی صدرینین بیرینجی معاونی وظیفه‌سینه تعیین ائدیلیب و اس.اس.ار-نین رهبرلریندن بیری اولوب. حیدر علیئو اییرمی ایل عرضینده اس.اس.ار عالی سووئتینین ملت وکیلی، بئش ایل ایسه اس.اس.ار عالی سووئتی صدرینین معاونی اولوب.

حیدر علیئو ۱۹۸۷-جی ایلین اوکتیابریندا سووئت اتفاقی کمونیست پارتییاسی مرکزی کمیته‌سی سیاسی بوروسونون و شخصاً باش کاتب میخایل قورباچووون یئریتدیی سیاسی خطه اعتراض علامتی اولاراق، توتدوغو وظیفه‌لردن استعفا وئریب.

او، ۱۹۹۰-جی ایلین ۲۰ یانواریندا سووئت قوشونلارینین باکیدا تؤرتدیی قانلی فاجعه ایله علاقه‌دار ائرته‌سی گون آذربایجانین مسکواداکی نمایندلیینده بیاناتلا چیخیش ائد‌رک، آذربایجان خالقینا قارشی تؤردیلمیش جنایتین تشکیلات‌چیلاری و اجراچیلارینین جزالاندیریلماسینی طلب ائدیب.

داغلیق قاراباغدا یارانمیش کسکین مناقشه‌لی وضعیتله باغلی اس.اس.ار رهبرلیینین ایکی‌اوزلو سیاستینه اعتراض علامتی اولاراق، ۱۹۹۱-جی ایلین ایولوندا سووئت اتفاقی کمونیست پارتییاسینین سیرالارینی ترک ائدیب. ۱۹۹۰-جی ایلین ایولوندا آذربایجانا قاییدان حیدر علیئو ایلک اول باکی‌دا، سونرا ایسه ناخچیواندا یاشاییب، همین ایلده ده آذربایجان عالی سووئتینه ملت وکیلی سئچیلیب. او، ۱۹۹۱-۱۹۹۳-جو ایللرده ناخچیوان مختار رسپوبلیکاسی عالی مجلیسینین صدری، آذربایجان رسپوبلیکاسی عالی سووئتی صدرینین معاونی اولوب.

حیدر عالیئو ۱۹۹۲-جی ایلده یئنی آذربایجان پارتییاسینین ناخچیوان شهرینده کئچیریلمیش تاسیس قورولتاییندا پارتییانین صدری سئچیلیب.

۱۹۹۳-جو ایلین مای-ایونوندا حکومت بحرانینین سون درجه کسکینلشمه‌سی ایله اؤلکه‌ده وطنداش محاربه‌سینین باش وئرمه‌سی و مستقللیین ایتیریلمه‌سی تهلوکه‌سی یاراندیقدا آذربایجان خالقی حیدر علیئوین حاکمیته گتیریلمه‌سی طلبی ایله آیاغا قالخدی. آذربایجانین او زمانکی رهبرلری حیدر علیئوی رسما باکییا دعوت ائتمه‌یه مجبور اولدولار. حیدر علیئو ۱۹۹۳-جو ایل ایونون ۱۵-ده آذربایجان عالی سووئتینین صدری سئچیلدی، ایولون ۲۴-ده ایسه میللی مجلیسین قراری ایله آذربایجان رسپوبلیکاسی پرزیدنتینین صلاحیتلرینی حیاتا کئچیرمه‌یه باشلادی. ۱۹۹۳-جو ایل اوکتیابرین ۳-ده عموم‌خالق سسوئرمه‌سی نتیجه‌سینده حیدر علیئو آذربایجان رسپوبلیکاسینین پرزیدنتی سئچیلیب.

۱۹۹۸-جی ایل اوکتیابرین ۱۱-ده خالقین یوکسک فعاللیغی شرایطینده کئچیریلن سئچکیلرده سسلرین ۷۶،۱ فایزینی توپلایاراق، یئنی‌دن آذربایجان رسپوبلیکاسینین پرزیدنتی سئچیلیب.

۲۰۰۳-جو ایل اوکتیابرین ۱۵-ده کئچیریلن پرزیدنت سئچکیلرینده نامزدلیینین ایر‌لی سورولمه‌سینه راضی‌لیق وئرمیش حیدر علیئو صحتینده یارانمیش پروبلملرله علاقه‌دار سئچکیلرده اشتراک ائتمکدن امتنا ائدیب و نامزدلیینی ایلهام علیئوین خیرینه گئری گؤتوروب. همین ایل دکابرین ۱۲-ده آذربایجانین عموم‌میللی لیدری حیدر علیئو آمریکا بیرلشمیش اشتاتلارینین کلیولند کلینیکاسیندا وفات ائدیب.

حیدر علیئو دؤرد دفعه لنین اوردنی، قیرمیزی اولدوز اوردنی و چوخلو مداللارلا تلطیف ائدیلیب، ایکی دفعه سوسیالیست امیی قهرمانی آدینی آلیب، بیر چوخ خارجی دولتلرین اوردن و مداللاری ایله تلطیف اولونوب. او، روسییا فدراسییاسینین تهلوکه‌سیزلیک، مدافعه و حقوق قایداسی پروبلملری آکادمییاسینین پروفسسورو و حقیقی عضوو سئچیلیب، ای.آی آندروپوو آدینا مکافاتا لایق گؤرولوب. روسیانین یوکسک مکافاتی - مقدس آپوستول آندری پروزوانی اوردنی ایله تلطیف اولونماسی باره‌ده فرمان امضالانیب. ۲۰ یانوار ۲۰۰۱-جی ایلده آذربایجان رسپوبلیکاسینین پرزیدنتی حیدر علیئوه مسکوا دولت اونیورسیتتینین "فخری پروفسسورو" آدی وئریلیب. ۱۳ آپرل ۱۹۹۹-جو ایلده پرزیدنت حیدر علیئو تورکیه‌نین ان نفوذلو مکافاتی - "آتاتورک صلح مکافاتینا" لایق گؤرولوب. ۲۷ مارت ۱۹۹۷-جی ایلده ایسه کیئوده حیدر علیئوه اوکراینانین عالی مکافاتی "یاروسلاو مودری" اوردنی تقدیم ائدیلیب.