ارمنیستان و آذربایجان دولت سرحدینده ارمنی سرحدچیلری طرفیندن آتش آچیلماسی ایله باغلی آذربایجان مطبوعاتیندا یاییلان معلومات آراشدیریلیر.

Axar.az خبر وئریر کی، بو باره‌ده ارمنیستان مدافعه ناظیرلیینین حربی پلیسینین بیاناتیندا بیلدیریلیب.

"یوخاری کماندانلیغین یازیلی امرلرینده حربی قوللوقچونون وضعیتی قیمتلندیررک آتش آچماق باره‌ده قرار قبول ائده بیلجیی و یا قرار قبول ائتمه‌یه بورجلو اولدوغو حاللار آیدین شکلده معین ائدیلیر. ایلکین معلوماتا گؤره، فورالین ۱۲-ده بو اراضی‌ده بئله بیر وضعیت (آتش آچماق ضرورتی - رد.) اولماییب. بو حال تصدیق اولونارسا، امری پوزان شخصلر مسئولیته جلب اولوناجاقلار»، - معلوماتدا وورغولانیب.

قید ائدک کی، فورالین ۱۲-ده ساعت ۱۳:۳۷ راده‌لرینده آذربایجان-ارمنیستان شرطی دولت سرحدینین زنگیلان رایونو اراضی‌سیندن کئچن حصه‌سینده ارمنیستان سلاح‌لی قوه‌لرینین قافان رایونونون نرکین-آند یاشاییش منطقه‌سی استقامتینده یئرلشه‌ن موقعییندن دولت سرحد خدمتینین سرحد قوشونلارینین زنگیلان رایونونون کوللوقیشلاق کندی اراضی‌سینده یئرلشن موقعیینه آتش آچیلیب.

تخریبات نتیجه‌سینده دولت سرحد خدمتینین حربی قوللوقچوسو عسگر پرویز آغاکیشی اوغلو خلیلزاده یارالانیب. حربی قوللوقچو هلیکوپترله اختصاصلاشمیش طب موسسه‌سینه تخلیه ائدیلیب.

باش وئرمیش حادثه، او جمله‌دن قارشی طرفدن آتشین آچیلماسی آنی ویدئومشاهده کامرالاری واسطه‌سیله قیدیاتا آلینیب.