یوخاری

خوجالی‌دا تاپیلان کوتلوی مزارلیقلا باغلی چاغیریش

آنا صحیفه گوندم
12 Punto 14 Punto 16 Punto 18 Punto

اومبودسمان سبینه علیئوا خوجالی‌دا تاپیلان کوتلوی مزارلیقلا باغلی چاغیریش ائدیب .

بو باره‌ده Axar.az-آ انسان حقوقلاری اوزره موکل (اومبودسمان) آپاراتیندان بیلدیریلیب.

قید ائدیلیب کی، اشغال‌دان آزاد ائدیلمیش اراضیلرینده داواملی شکلده آشکار اولونان کوتلوی مزارلیقلار بیرینجی قاراباغ محاربه‌سی زمانی ارمنیستان طرفیندن آذربایجانلیلارا قارشی تؤردیلمیش محاربه و انسانلیق علیه‌اینه جنایتلرین ایزلرینی اوزه چیخاریر:

"خوجالی سویقیریمینین ۳۲-جی ایلدؤنومو عرفه‌سینده خوجالی شهری اراضی‌سینده نؤوبتی کوتلوی مزارلیغین تاپیلماسی فاکتی ارمنیستانین انکار ائتمه‌یه چالیشدیغی غیر-انسانی عمللرینی بیر داها آچیق شکلده ثبوتا یئتیرمیش اولدو.

بئله کی، بو ایلین ۲۱ فورال تاریخینده خوجالی شهرینده برپا-قوروجولوق مقصدیله قازینتی ایشلری آپاریلارکه‌ن نؤوبتی کوتلوی دفن یئری آشکارلانیب. اراضی‌ده هله ده داوام ائد‌ن قازینتیلار زمانی ایلکین اولاراق معین ائدیلمیش انسان قالیقلارینین اساساً قادین و اوشاقلارا عاید اولماسی، اونلارین اللرینین کندیرله باغلانماسی و ایشگنجه‌لرله قتله یئتیریلمه‌سی فاکتلاری ارمنیستانین آذربایجان‌لیلارا قارشی یوروتدویو نفرت و سویقیریمی سیاستینی، محاربه و انسانلیق علیه‌اینه تؤرتمیش اولدوغو جنایتلری ثبوت ائدیر. دهشتلی فاکتلاردان بیری ده اراضی‌ده تاپیلمیش قالیقلاردان بیرینین ۴-۵ یاشلاریندا اوشاغا مخصوص اولماسی احتمالی ایله باغلیدیر".

اومبودسمانین معلوماتیندا خاطیرلادیلیب کی، بیرینجی قاراباغ محاربه‌سی زمانی ایتکین دوشموش ۴۰۰۰-ا یاخین آذربایجانلینین، او جمله‌دن خوجالی سویقیریمی نتیجه‌سینده اسیر و گیروو گؤتورولموش ۱۵۰ نفرین طالع‌یی بوگونه‌دک معلوم دئییل:

"تأسف کی، ارمنیستان طرفی بو ایللر عرضینده ایتکین دوشموش شخصلرله باغلی معلوماتلاری، او جمله‌دن کوتلوی مزارلیقلارین کوردیناتلارینی اؤلکه‌میزه تقدیم ائتمکدن یایینمیش، یالنیز آزاد ائدیلمیش اراضیلرده‌کی کوتلوی مزارلیقلاردا تاپیلمیش انسان قالیقلارینین عینی‌لشدیریلمه‌سی استقامتینده آذربایجان رسپوبلیکاسینین موافق دولت قوروملارینین حیاتا کئچیردیی تدبیرلر نتیجه‌سینده بیر نئچه ایتکین دوشموش شخصین طالعیینه آیدینلیق گتیریلیب".

"قید اولونانلاری نظره آلاراق، انسان حقوقلاری ساحه‌سینده فعالیت گؤسترن بوتون بین‌الخالق تشکیلاتلاری بو جور فاکتلارا بیگانه یاناشماماغا، ارمنیستان طرفیندن آذربایجان‌لیلارا قارشی ائتنیک نفرت زمینینده جنایت عمللرینین تؤردیلمه‌سینده تقصیرلی اولان شخصلرین عدالت محاکمه‌سینه جلب اولونماسی استقامتینده ضروری آددیملار آتماغا چاغیریرام" - دئیه، اومبودسمان سبینه علیئوا بیلدیریب.

قید ائدک کی، بو گون خوجالی رایونوندا کوتلوی مزارلیق آشکار ائدیلیب.

آشکارلانمیش انسان قالیقلارینین ان آزی ۴ نفر (اونلاردان ۱ نفرین آزیاشلی، یعنی ۴-۵ یاشلی شخصه مخصوص اولماسی احتمال ائدیلیر) شخصه مخصوص اولماسی، اونلارین ایشگنجه‌لره معروض قالماسی، اللرینین کندیرله باغلانماسی و خصوصیتلرینه گؤره ان آزی ۲۵ ایل اول باسدیریلماسی معین اولونوب.

تاریخ
2024.02.23 / 19:17
مولف
Axar.az
شرح لر
دیگر خبرلر

بونا قارشی تعجیلی تدبیرلرین گؤرولمه‌سینه احتیاج وار - خارجی ایشلر ناظرلییی

آذربایجان ارمنستان‌دان تضمینات طلب ائتدی

ارمنستان اعتراف ائتدی: آتشی بیز آچمیشیق...

پاشینیان آذربایجانلا باغلی بو مسئله‌نی گیزله‌دیر

اسرائیلله امکداشلیق خیانت‌دیرسه، ایروانا قارداشلیق ندیر؟

بروکسل‌دن علیئوه زنگلر: ایروانا آچیق شکیل‌ده... - مارکوو

ارمنی فوتبولچونون شوشاداکی ویللاسی... - ویدئو

ارمنیلرین سرحدیمیزده‌کی دؤیوش موقعلرینده ۳۸ گوندور...

آرایکین گیزلندیی «سارای»دان گؤرونتولر - ویدئو

روسییا حربی بازاسی قاراباغا کؤچوروله بیلر - مارتینوو

خبر خطّی
Axar.az'da reklam Bağla
Reklam
Bize yazin Bağla