بو گون – نویابرین ۱۷-سی آذربایجاندا ملی دیرچلیش گونودور.
Axar.az خبر وئریر کی، بو بایرام ۱۹۸۸-جی ایلین نویابر-دکابر آیلاریندا باکیدا باشلایان ملی-آزادلیق حرکاتی ایله باغلیدیر.
همین واخت اس. اس. ار. ای رهبرلیینین قاراباغ مسئلهسی اطرافیندا آپاردیغی آنتی-آذربایجان سیاستی نتیجهسینده آذربایجاندا آنتیسووئت خالق حرکاتی تشکول تاپدی. ۱۹۸۸-جی ایلین ۱۷ نویابریندا باکینین اساس میدانی ساییلان «آزادلیق»دا (کئچمیش لنین میدانی - رئد.) آذربایجان خالقینین اوزونمدتلی میتینگلری باشلادی. چوخسایلی انسان میدانا توپلاشاراق مسکوانین آنتی-آذربایجان سیاستینه قارشی چیخدی. دکابرین اوللرینده میتینگلر اس. اس. ار. ای-نین داخلی قوشونلاری طرفیندن داغیدیلسا دا، مسکوا آذربایجان خالقینین ملی آزادلیق حرکاتینین قارشیسینی آلا بیلمهییب.
۱۹۹۰-جی ایل نویابرین ۱۷-ده ناخچیوان مختار رسپوبلیکاسینین عالی سووئتینین یئنی ترکیبده ایلک سسییاسی کئچیریلیب. مختار رسپوبلیکانین آدیندان "سووئت" و "سوسیالیست" سؤزلری چیخاریلدی. ایمپرییانین هله تاریخ صحنهسیندن سیلینمهدیی بیر دؤورده ناخچیوانین آدیندان "سووئت" و "سوسیالیست" سؤزلرینین چیخاریلماسی موستقیللییمیزین قازانیلماسی یولوندا چوخ بؤیوک تاریخی آددیم ایدی.
بونونلا عمومملی لیدر حیدر علیئو ملی دولتچیلییمیزین دیرچلیشی استقامتینده ایلک بؤیوک آددیم آتیب. اولو اؤندر حیدر علیئوین صدرلیی ایله کئچیریلهن همین تاریخی سسییادا مختار رسپوبلیکانین دولت رمزلری حاقیندا مسئله ده مذاکره اولونوب. خالق دپوتاتلارینین مذاکرهسیندن سونرا اوچرنگلی بایراغین دولت رمزی کیمی قبولو ایله علاقهدار تکلیف ایرلی سورولوب.
آذربایجان خالق جمهوریتینین اوچ رنگلی بایراغینین برپا اولونماسی بارهده قرار چیخاران سسییا اونون دولت بایراغی کیمی قبول ائدیلمهسی ایله علاقهدار آذربایجانین عالی سووئتی قارشیسیندا وساتت قالدیریب. بئلهلیکله، ملی دیرچلیشدن ملی ترقییه دوغرو اوزانان تاریخی یولون باشلانغیجی قویولدو، ملی دیرچلیش گونو ۱۹۹۲-جی ایل نویابرین ۱۷-ده اعلان اولونوب.