یوخاری

قارا دنیزده یوک گمی‌سی باتیر

آنا صحیفه پلانت
12 Punto 14 Punto 16 Punto 18 Punto
قارا دنیزده یوک گمی‌سی باتیر

بتول ۸ یوک گمی‌سی قارا دنیزین بلغارستان ساحللرینده قضایا اوغراییب.

Axar.az خبر وئریر کی، بو باره‌ده بلغارستان ملی تلویزیاسی اؤلکه‌نین نقلیات ناظرلیینه استنادلا معلومات یاییب.

بیلدیریلیب کی، سومالی بایراغی آلتیندا اوز‌ن بتول ۸ گمی‌سی ۳ مین تن سپمه بوغدا داشیییردی و رومینییادان مصره حرکت ائدیردی. اونون گؤیرته‌سینده ۱۲ هیئت عضوو اولوب.

بلغارستان نقلیات ناظرلیینین سایتین‌دا یئر آلان معلوماتا گؤره، رومینیادان مصره بوغدا داشییان یوک گمی‌سی یاردیم چاغیریشی گؤندریب. وارنا دنیز آختاریش و خیلاص ائتمه کوردیناسیا مرکزینه داخل اولان تعجیلی یاردیم چاغیریشیندان سونرا گمی بلغاریستان ساحللری یاخینلیغیندا باتیب.

بلغاریستان مئدیاسی ۱۹۸۸-جی ایلده انشا ائدیلمیش گمینین پارتلاییشدان سونرا باتدیغینی یازیب. گمی‌ده اولان ۱۲ تورک هیئت عضوونون ایتکین دوشدویو بیلدیریلیر. پارتلایشین سببی ایله باغلی آراشدیرما آپاریلیر.

حادثه بلغاریستانین مستثنی اقتصادی زوناسیندا، کالیاکرا بورنوندان تخمیناً ۴۰ دنیز مایلی جنوب-شرق‌ده باش وئریب. حادثه‌دن سونرا آختاریش-خیلاص ائتمه عملیاتینا باشلانیلیب. اراضی‌یه بلغاریستان‌دان ایکی، رومینیا و تورکیه‌دن ایسه هر بیری بیر گمی گؤندریلیب. بلغاریستان حربی هوا قوه‌لرینه مخصوص ایکی «جووگار» هلیکوپتری و بیر «سو-۲۵» طیاره‌سی ده آختاریش-خلاص ائتمه ایشلرینه جلب اولونوب.

پارتلاییشین دنیز میناسی و یا درون هجومون‌دان قایناقلانیب-قایناقلانمادیغی احتمالی آراشدیریلیر.

گمی رومینیانین تولچا لیمانیندان مصره تخمیناً ۳ مین تن توپا بوغدا داشیییرمیش. مارشال آدالاریندا یئرلشن «اوپتیموس مارین» شرکتینین آدینا قیدیات‌دا اولان گمینین استثماری دا همین شرکت طرفیندن حیاتا کئچیریلیرمیش.

تاریخ
2026.11.16 / 16:39
مولف
Axar.az
دیگر خبرلر

لیتوا آمریکایا دایمی حربی بازا اوچون تکلیفلر گؤندردی

آمریکادا سون ۳۵ ایلین ان بؤیوک آویاسیا بحرانی یاشاندی - مطبوعات

داها بیر اؤلکه تلگرامی انگلله‌دی

اوکراینا کریم کؤرپوسونو ووردو، حرکت دایاندی - ویدئو

روسیا یئنی ضربه‌لره حاضیرلاشیر - زلنسکی

چین افلیج ائدیر: "مرسدس" زاوودلارینی باغلاییر

تورکیه «اژدها»سی دنیادا ایلکه امضا آتدی - ویدئو

روسیادان خبردارلیق: اونلار نووه سیناقلارینی برپا ائتسه...

ناتودان گؤزله‌نیلمز: بو اؤلکه‌ده ساممیت لغو ائدیلیر!

تورکیه‌ده آوتوموبیل یوللاری پوالار اوچون اویغونلاشدیریلاجاق

خبر خطّی
Axar.az'da reklam Bağla
Reklam
Bize yazin Bağla