روسیا نووه سیناقلارینی برپا ائتمک نیتینده دئییل، لاکن آمریکا و یا دیگر اؤلکه‌لرین بو جور حرکتلرینه جواب اولاراق موافق تدبیرلر گؤرجک.

Axar.az خبر وئریر کی، بو باره‌ده روسیانین ویاناداکی بین‌الخالق تشکیلاتلار یانیندا دائمی نماینده‌سی میخایل اولیانوو بیلدیریب.

«البته کی، نووه سیناقلارینین برپاسی احتمالینی تمامیله انکار ائتمک حدیندن آرتیق نیکبین اولاردی. اما امینم کی، نووه گوجلرینین مسئولیتلی یاناشماسی ایله بئله بیر سنارینی استثنا ائتمک اوچون هر فرصت موجوددور. اؤلکه‌لرین کونوللو ملی موراتوریوملارا جدی شکلده رعایت ائتمه‌سی واجبدیر. روسیانین دا محض بو مؤوقعیی وار، اما روسیا پرزیدنتی ولادیمیر پوتینین ده قید ائتدیی کیمی، آمریکا و یا دیگر دولتلر نووه سیناقلاری کئچیررسه، اؤلکه‌میز ده آدکوات جواب تدبیرلری گؤرمه‌لی اولاجاق»، - او علاوه ائدیب.