اوکراینا اوچون ان اعتبارلی تهلوکه‌سیزلیک ضمانتی ناتویا عضولوکدور.

Axar.az خبر وئریر کی، بو سؤزلری آمریکانین روسیاداکی کئچمیش سفیری، پروفسور مایکل ماکفول دئییب.

«دوزونو دئسه‌م، استیو ویتکاف و جارد کوشنرین دانیشیقلار آپارماق باجاریغی منده مثبت تصورات یاراتمادی. حساب ائتمیرم کی، اونلار صلحه یاخینلاشماغا نایل اولوبلار. آمریکانین ملی ماراقلارینین ایر‌لیله‌مه‌سینه ده تحفه وئرمه‌ییبلر. اوکراینانین ماراقلارینین قورونماسی اوچون ایسه چوخ آز ایش گؤروبلر. بونا گؤره ده آوروپالیلارین دانیشیقلاردا اشتراکینی یالنیز آلقیشلایاردیم»، – دئیه او بیلدیریب.

ماکفولون فکرینجه، دانیشیقلارین منفی طرفلری داها چوخ اولوب. او قید ائدیب کی، روسیا پرزیدنتی ولادیمیر پوتین گئتدیکجه داها چوخ طلب ایر‌لی سورمه‌یه باشلاییب. خصوصیله، آوروپانین بوتون تهلوکه‌سیزلیک سیستمینه یئنیدن باخیلماسی ضرورتی گوندمه گتیریلیر:

«بو، ساده‌جه اولاراق، قبول‌ائدیلمزدیر. چونکی آوروپانین تهلوکه‌سیزلیینی تهدید ائد‌ن، اونون فوندامنتال پرینسیپلرینی پوزان و حتی اؤز دولتینین امضالادیغی بین‌الخالق مقاوله‌لره محل قویمایان محض پوتیندیر. ایندی ایسه بوتون قایدالاری روسیانین ماراقلارینا اویغون شکلده یئنیدن یازماق ایسته‌ییر. بونا گؤره ده بو مسئله‌نین دانیشیقلار ماساسینا چیخاریلماسینی جدی گئریله‌مه حساب ائدیرم».