دوبلین‌ده کئچیریلن آوروپا سیاسی بیرلیینین غیری-رسمی سامیتی چرچیوه‌سینده ایتالیانین باش ناظری جورجیا ملونی ایله گؤروشو زمانی اوکراینا پرزیدنتی ولادیمیر زلنسکی ائله بیر فکر سسلندیریب کی، "ایل فاتتو قووتیدیانو" قزئتی بونو بیر ایراد کیمی شرح ائدیب.

Axar.az خبر وئریر کی، ایتالیا قزئتی زلنسکی‌نین شخصی ایکس حسابین‌دا پایلاشدیغی سیاست‌چیلرین قارشیلانما آنینی عکس ائتدیره‌ن ویدئویا استناد ائدیب.

"سونونجو گؤروشوموزدن خیلی واخت کئچیب"، - نشیر ملونین سؤزلریندن سیتات گتیریب.

زلنسکی ایسه اینگیلیس دیلین‌ده بئله جواب وئریب: "سیز بونو ایسته‌میردینیز".

قید اولونوب کی، ۲ لیدر آراسین‌دا سونونجو اوزبوز گؤروش ایول آیین‌دا آنکارادا کئچیریلن ناتو سامیتی زمانی باش توتموشدو.

نشر همچینین وورغولاییب کی، زلنسکی آوروپا پایتختلارینه منتظم سفرلری زمانی قصداً رومانی زیارت ائتمه‌ییب.