تورکییه‌یه پوتنسیال اف-۳۵ قیریجیلارینین ساتیشی رگیون‌داکی مؤوجود منظره‌نی داها دا دییشدیره‌جک.

Axar.az خبر وئریر کی، بونو جنوبی قبرسین خارجی ایشلر ناظری کونستانتینوس کومبوس «فوکس نیوز»آ آچیقلاماسیندا دئییب.

«بو، هم بیزیم، هم ده رگیون‌داکی دیگر اؤلکه‌لر اوچون ناراحاتلیق دوغوران مسئله‌دیر. گوج بالانسی آرتیق اهمیتلی درجه‌ده تورکییه‌نین خییرینه‌دیر. لاکین بیز بونو ساده‌جه نورمال بیر وضعیت کیمی قبول ائده بیلمه‌ریک»، - او علاوه ائدیب.

تورکییه‌نین ۱۹۷۴-جو ایلده قبرس‌ده حیاتا کئچیردیی صلح حرکاتینی "اشغال" کیمی قلمه وئره‌ن کومبوس بیلدیریب کی، سؤزوگئدن ایلده قبرسین ​«​اشغالی» زامانی تورکلر آمریکا سلاحلاریندان استفاده ائدیب:

«بو، بیزیم اوچون یئنی بیر شئی دئییل».

«پوتنسیال ساتیشین قارشی‌سینی آلماق اوچون دیپلوماتیک تضییق گؤسترمه‌یه داوام ائدجه‌ییک. بو وضعیت رگیونال تارازلیقلاری پوزور. بیز مسئله‌نی هم آبش آدمینیستراسییاسی، هم ده اروپا بیرلییی قارشی‌سیندا قالدیریریق. موقئعیمیزی آچیق شکیل‌ده ایفاده ائتمیشیک: اروپا بیرلییی‌نین مدافعه فوندلاری عضو دولتین سووئرئنلیینی و اراضی بوتؤولویونو پوزان بیر اؤلکه‌یه یؤنه‌لدیله بیلمز»، - کومبوس بیلدیریب.