روسیا یئنی «راسوئت» پیک رابطه شبکه‌سینی استفاده‌یه وئررسه، بو، اوکراینا اوچون جدی پروبلمه چئوریله بیلر.

Axar.az خبر وئریر کی، بو باره‌ده اوکراینا سلاحلی قوه‌لرینین ۲۰-جی آیری پیلوتسوز سیستملر بریقاداسینین کوماندیری، پولکوونیک کیریل ورس بیلدیریب.

«امید ائدیرم و آرزولاییرام کی، خصوصی خدمت ارگانلاریمیزدان هانسی‌سا بیری ائله بیر یول تاپاجاق کی، نسه سیرادان چیخسین، یا هوایا قالخا بیلمه‌سین، یا دا پارتلاسین»، – دئیه حربچی بیلدیریب.

ورس آمریکانین اوکراینا مدافعه قوه‌لری اوچون «استارلینک» پیک رابطه‌سینه تطبیق ائتدیی سرعت محدودیتلرینی ده شرح ائدیب. اونون سؤزلرینه گؤره، بو آددیم اوکراینانی آلترناتیو تخنولوگییالار باره‌ده دوشونمه‌یه وادار ائدیب:

«بیز همیشه هوا سویوق اولان‌دا و گئجیکه‌نده دوشونمه‌یه باشلاییریق. منفی ۲۰ درجه شاختادا شالوارسیز قالاندا آغلیمیزا گلیر کی، نسه ائتملییک. ایندی دوشونوروک و ایشله‌ییریک».