روسیا بؤیوک بریتانیانین نووه آرسنالیندان دیگر آوروپا اؤلکه‌لرینین مدافعه‌سی مقصدیله استفاده ائتمک امکانیندان امتنا ائتمه‌سینی طلب ائدیر.

Axar.az خبر وئریر کی، بو باره‌ده «تلگراف» نشری یازیب.

نشر قید ائدیر کی، بو تکلیف روسیانین دانیشیقلار گروپونون اوکراینادا محاربه‌نین دایاندیریلماسی ایله باغلی مذاکره‌لر اوچون حاضیرلادیغی طلبلر سیاهیسینا داخل ائدیلیب.

خاطیرلادیلیر کی، بؤیوک بریتانیا ناتونون کلکتیو مدافعه‌سی چرچیوه‌سینده نووه سلاحی داشییان سوالتی قاییقلاردان استفاده ائد‌ن یگانه آوروپا اؤلکه‌سیدیر. بؤیوک بریتانیانین باش ناظیری اندی بؤرنهم ایسه بو یاخینلاردا قیطه‌نین تهلوکه‌سیزلیینین روسیا ایله مذاکره موضوعسو اولا بیلمیجه‌یینی بیان ائدیب.

سندده، همچنین غرب اؤلکه‌لرینین اوکراینایا سلاح، حربی تکنیکا و دیگر حربی تعییناتلی محصوللارین تداروکونو دایاندیرماسی، ائلجه ده اوکراینانین ناتویا عضولویو پرسپکتیوینین استثنا ائدیلمه‌سی طلب اولونور.

نشرین معلوماتینا گؤره، مسکوا محاربه باشا چاتدیقدان سونرا دا اوکراینانین اشغال اولونموش اراضیلری اوزرینده نظارتی ساخلاماق نیتینده‌دیر. بونون مقابلینده روسیا اوکراینانین آوروپا بیرلیینه عضولویونو دستکله‌یه بیلر. لاکن بونون اوچون کیئوین آوروپا بیرلیینین عمومی مدافعه سیاستیندن کناردا قالماسی شرطینی ایر‌لی سورور.