اؤلکه‌میزه قارشی مدعالارین عکس اولوندوغو "عمومی خارجی و تهلوکه‌سیزلیک سیاستینین حیاتا کئچیریلمه‌سی حاقیندا ایللیک حساباتی" قطعیتله پیسلییر و رد ائدیریک.

Axar.az خبر وئریر کی، بونو آذربایجان خارجی ایشلر ناظیرلیینین مطبوعات کاتبی آیخان حاجی‌زاده-نین آوروپا پارلامنتینین خارجی علاقه‌لر کمیته‌سی طرفیندن حاضیرلانمیش "عمومی خارجی و تهلوکه‌سیزلیک سیاستینین حیاتا کئچیریلمه‌سی حاقیندا ایللیک حساباتی" اوزده قبول ائدیلمیش قطعنامه‌یه دایر شرحینده بیلدیریلیب.

او قید ائدیب کی، آذربایجانا قارشی آپاریلان قارایاخما کامپانییاسینین ترکیب حصه‌سی اولان، بوتون فاکتلارین تحریف اولوندوغو، بهتان کاراکترلی و تمامیله اساسسیز بو مدعالار آوروپا بیرلیینین عمومی خارجی و تهلوکه‌سیزلیک سیاستینین گلجیینه دایر جدی سواللار یارادیر.

تأسف کی، خارجی و تهلوکه‌سیزلیک سیاستینه دائر دایاز یاناشمانین عکسی اولان بو حسابات، هم ده آوروپا پارلامنتینین عضولرینین پوپولیست سیاستین اسیری اولدوقلارینی، همچینین رگیونوموزلا باغلی دوزگون استراتژی یاناشما انکشاف ائتدیرمکدن نه قدر اوزاق اولدوقلارینی گؤستریر.

بیاناتلاریندا اراضی بوتؤولویو و سووئرنلییه حرمتی آشیلایان آوروپا بیرلیینین بیر قورومو اولان آوروپا پارلامنتینین آذربایجانین اراضی بوتؤولویو و سووئرنلیینه قارشی نمایش ائتدیردیی بو حرمتسیزلیک، اؤلکه‌میزین اؤز سووئرن اراضیلرینده هئچ بیر ملکی اهالینین هدف آلینمادیغی آنتی-ترور تدبیرلرینی پیسله‌مه‌سی و اراضیلریمیزده سپاراتچیلیغین و ارمنیستانین کئچمیش اشغالچی‌لیق سیاستینین تشویق اولونماسی بیر داها گؤستریر کی، آوروپا پارلامنتی اوچون بین‌الخالق حقوق و آوروپا بیرلینین ماراقلاری یوخ، پارلامنت عضولرینین شخصی ماراقلاری اوستونلوک تشکیل ائدیر.

نه قدر کی، آوروپا بیرلیی اؤز قوروملاریندا باش وئرن بو اؤزباشینالیغا سون قویمایاجاق، قورومون خارجی و تهلوکه‌سیزلیک سیاستی بین‌الخالق مناسبتلر سیستمینده اؤز اوتوپیک یاناشمالارینین اسیری اولماقدا داوام ائد‌جکدیر.