نه ارمنیستان ایرانلا حربی امکداشلیق ائده بیلر، نه ده ایران ارمنیستانلا. مثلاً، ایروان هئچ واخت فرانسا ایله تهرانی بیر آرایا گتیره بیلمز. دیگر طرفدن، ارمنیستانین دا ایرانا باخیشی گؤستردیی قدر صمیمی دئییل. بو، ساده‌جه، اویونون بیر حیصه‌سی‌دیر. ارمنیستان ایرانین رگیون‌داکی خاریجی سیاستینی چوخ یاخشی بیلیر. اونا گؤره ایرانی الده ساخلاماغا چالیشیر، اصلینده ایسه اؤز اویونونو اویناییر. پاشینیان حاکمیت‌ده اولدوغو مدتجه و غرب یؤنلو سیاستینی داوام ائتدیردیکجه، بو یاخینلیق هئچ واخت باش توتمایاجاق. روسییانی بئله رگیون‌دا ضعیفلتمه‌یه چالیشدیغینی نظره آلساق، هئچ غرب ده بونا امکان وئرمه‌یه‌جک.

بو سؤزلری Axar.az-آ آچیقلاماسیندا ایرانین آذربایجان‌داکی کئچمیش سفیری، پولیتولوگ افشار سلیمانی ایران و ارمنیستان مناسیبتلری و ایرانین ارمنیستانا حربی امکداشلیق تکلیفینی شرح ائدرکه‌ن بیلدیریب.

«ایران اوللر آذربایجانی غرب یؤنوملو سیاست آپارماقدا اتهام ائدیب، آنجاق واخت گله‌جک ارمنیستان غربله ایندیکیندن اون‌قات داها آرتیق امکداشلیق ائدیله‌جک. حاضردا غربله بیرگه تعلیملرین تشکیلی، فرانسا ایله امکداشلیغین درینلشمه‌سی و س. بونا نمونه‌دیر. تهران ایروانین سرعتله غربه اوز توتماسینا و حربی امکداشلیغینا گؤز یومماغا چالیشسا دا، اوزون مدت اعتیناسیز قالا بیلمه‌یه‌جک. چونکی بونلار تمامیله آیری مؤقعلردیر».

اکسپرت بیلدیریب کی، هاچان ارمنیستان آذربایجانین صولح تکلیفی ایله راضیلاشار، تورکییه ایله مناسیبتلری نورماللاشدیرارسا، ایران-ارمنیستان مناسیبتلری تمامیله فرق‌لی اولاجاق و ضعیفله‌یه‌جک:

«تهرانین ایروانا اوستونلوک وئرمه‌سینین اساس سببلریندن بیری آذربایجانین غرب یؤنوملو سیاست یوروتدویونو دوشونمه‌سی اولوب. باخمایاراق کی، باکی همیشه بالانسلی سیاست آپاریب. دیگر بیر عامل ایسه آذربایجان تهرانین خاریجی سیاستینه اساس یؤن وئرن «سیاسی اسلام» عاملیندن، ایران ایسه واحد آذربایجان عاملیندن همیشه احتیاط ائدیب. ائتنیک دوغمالیق اکثر حاللاردا یاخینلیق سببی اولسا دا، تهران و باکی آراسیندا بو فاکتور تام عکس-افکت وئره‌رک، ایکی دولت آراسین‌دا اوزاقلیغا گتیریب چیخاریب. ایران آذربایجانلیلارین آیاغا قالخماسیندان و آیریلیق طلبین‌دن قورخور. بونا گؤره ده ایران آذربایجانین پروبلملرینین حل اولونماسینی ایستمیر. ایران همیشه میللیت‌چیلیک مسئله‌سی قارشی‌سیندا اسلامچی‌لیق ایدئیاسینی قویوب. بونونلا دوشونور کی، آذربایجاندا سیاسی اسلام قاباغا گئدرسه، گونئی آذربایجان مسئله‌سی تئوریک اولاراق کؤلگه‌ده قالار. اوللر بو مسئله‌لری بئله آچیق شکیل‌ده دیله گتیرمک ممکن دئییلدی. لاکین آذربایجانین غلبه‌سی و قاراباغین قایتاریلماسی بوتون سیرلری آچدی، قارانلیق‌دا قالان مسئله‌لرین اوستونده‌کی پرده‌لری گؤتوردو».

او، بوتون بو پروبلملرین حل یولونو ایکی دولت آراسیندا رئال امکداشلیغین آپاریلماسیندا گؤردویونو وورغولاییب:

«منیم فیکریمجه، ایران ملی منافعینی قوروماق ایستییریکسه، مطلق آذربایجانین یانیندا اولمالیییق. بو حربی امکداشلیق اولمایا دا بیلر. ایران آذربایجانی اؤز صمیمیلیینه ایناندیرا، اقتصادی و دیپلماتیک علاقه‌لری گوجلندیره بیلسیدی، حتی ارمنیستانلا نورمال قونشولوق علاقه‌لری قالسا بئله، باکینین تهرانا اینامی آرتار و بو، هر ایکی طرفین ده خیرینه اولاردی. او زامان ایرانین دا باشقا آلترناتیوه احتیاجی قالمازدی. تأسف کی، هر ایکی طرفده ده قارشیلیقلی اینامسیزلیغین اولدوغونو نظره آلساق، بو وضعیتده گئری دؤنوب علاقه‌لری یئنی‌دن باشلاتماق و مناسیبتلرین آخارینی دییشمک چوخ چتین گؤرونور».