آپرلین ۱-ده اسرائیلین ایرانین دمشقده‌کی کنسوللوق بناسینی یئرله-یکسان ائتمه‌سی و سپاه-این ایکی گنرال و ۵ یوکسک رتبه‌لی ضابطینی، او جمله‌دن دیپلماتلارینی اؤلدورمه‌سینه جواب وئرمه‌یه جسارتی چاتمایان ایرانین هئچ بیر عایدیتی اولمادیغی حال‌دا آذربایجانا قارشی آبسورد ادعالاری داوام ائدیر.

Axar.az خبر وئریر کی، ایرانلی ملت وکیلی کوچی (جلال رشیدی) باکی‌داکی اسرائیل سفیرلیینین هدف آلینماسینی «ان یاخشی واریانت» آدلاندیرمیشدی.

بونون آردینجا ایسه سپاه-آ مخصوص تلگرام کانالی آذربایجانا قارشی نوبتی آوانتوریست پایلاشیم ائدیب.

آذربایجان رسپوبلیکاسینی یئنه ده آشاغیلایاراق، «باکی رسپوبلیکاسی» کیمی تقدیم ائتمه‌یه چالیشان کانال یازیب:

«گؤروندویو کیمی، ایرانین دمشقده‌کی سفیرلیینه هجوم اوچون اسرائیل ایله «باکی رسپوبلیکاسی» آراسیندا گیزلی کوردیناسییا اولوب.

دمشقین قصاصینی آلماق اوچون اوزاغا گئتمه‌یه احتیاج یوخ‌دور، اسرائیلین دینله‌مه و جاسوسلوق بازالاری بیزیم یانیمیزدا، ایران سرحدیندن بیر نئچه کیلومتر آرالیدا، زنگیلاندا یئرلشیر».

ایراندا هئچ بیر ملت وکیلی، پولیتولوق و خصوصیله رسمی ارگانلارین آدیندان چیخیش ائد‌ن سوسیال مدیا کاناللارینین مستقل اولمادیغی آرتیق هر کسه بللی‌دیر. بو باخیم‌دان ایران طرفدن سسلنه‌ن بو بیاناتلارین اسرائیلدن قورخان ایرانین آلدیغی اینانیلماز ضربه‌نین قصاصینی ضعیف بیلدیی قونشولاریندان چیخماق ایسته‌مه‌سی احتمالی گوندمه گلیر.

اسرائیل اف-۳۵ قیریجی‌سیندان و دقیق اداره‌اولونان راکتدن استفاده ائدیب. اصلینده اسرائیلین ایران و کانادا سفیرلیینین دوز اورتاسیندا یئرلشه‌ن و همین واخت سپاه ضابطلرینین اولدوغو بنانی یئرله-یکسان ائتمکله تهرانا سنساسیون مساژ وئردی: ان دقیق، مترینه قدر حسابلانان ضربه وورماق امکانینا مالکدیر.

کنسوللوق و یاخود سفیرلیک بناسی هر بیر اؤلکه‌نین اراضی‌سی حساب ائدیلیر. باخمایاراق کی، اسرائیل همین بنانین سفیرلیه عاید اولمادیغینی و سپاه-این استفاده ائتدیی اوبیکت اولدوغونو بیلدیریر، اگر ایران دوغرودان دا همین بنانین کنسوللوغونا عاید اولدوغونو وورغولاییرسا، دئمک، اسرائیل فاکتیکی اولاراق ایران اراضی‌سینه ضربه ائندیریب. ایران اراضی‌سینه ائندیریله‌ن ضربه‌نین عوضینی تهران آدکوات وئرمه‌یه جسارت ائد‌جکمی؟ اسرائیلین هانسی‌سا حربی اینفرستورکتورونا جواب ضربه‌سی ائندیرمه‌یه گوجو وارمی؟

بئله چیخیر کی، نه او جسارت وار، نه ده او گوج!

ایرانا خاطیرلاتماغا احتیاج وار کی، سپاه گنرالینین قصاصینی آلماق ایستییرسه، چاخال گنراللاری فرقلی یئرده اوتورورلار.

دیگر طرفدن، ارمنیستاندا آوروپا بیرلیی میسیاسینین ایران و روسیایا قارشی جاسوسلوق فعالیتی یئرینه یئتیردیی حاقدا روسیا رسمی آچیقلاما یاییب. ارمنیستاندا آمریکا-نین دنیاداکی ان بؤیوک سفیرلیی – ۲۵۰۰ نفردن چوخ دیپلماتی یئرلشیر و چوخلارینا آیدیندیر کی، بونلارین هئچ ده هامی‌سی دیپلمات دئییل.

اوچونجوسو، ارمنیستان غیر-رگیونال اویونچولاری اؤز اراضی‌سینده یئرلشدیرمه‌یه داوام ائدیر.

دؤردونجوسو، ایرانین کنسوللوق بناسی اولدوغو دئییله‌ن بنا محض کانادا سفیرلیینین ۱۰ مترلیینده‌دیر. اوردا هانسی تدبیرین نه واخت کئچیریلدیینی کانادا سفیرلیی بیلمیرمی؟ او معلوماتی ان آسان شکلده اسرائیل کانادا سفیرلیی واسطه‌سیله الده ائده بیلمزدیمی؟

اوسته‌لیک، ارمنیستان‌داکی «میسیایا» آمریکا و کانادا «متخصصلری» ده قوشولوبسا، ایران نیه ارمنیستانی، کانادانی دئییل ده، «شیعه-مسلمان قارداشینی» تهدید ائدیر؟

چونکی ارمنیستانین آرخاسیندا فرانسا و آمریکا دایانیر!

چونکی اسرائیل گوجلودور و آرخاسیندا آمریکا دایانیر!

چونکی آذربایجان خریستیان اؤلکه دئییل، آرخاسیندا آمریکا دایانمیر، مسلمان‌دیر و مسلمان دنیاسینین ایچینده‌کی قارایارا اولان ایران یالنیز اسلام دنیاسینی هده‌لمه‌یه جسارت ائدیر. چونکی بئله‌ده آمریکا اونا یئرینی گؤسترمه‌یه‌جک و ذاتاً تهران رسپوبلیکاسینین ماهیتی، یارادیلما سببی ده بودور!

آنجاق سهو ائدیر: آذربایجانین آرخاسیندا ناتو-نون ایکینجی ان گوجلو اردوسو تورکیه و دنیانین نووه گوجو پاکیستان وار! – هله ایران اهالی‌سینین یاریسینی تشکیل ائد‌ن آذربایجانلیلاری دئمیریک!

ایران آذربایجان رسپوبلیکاسینا نفرتینی جیلوولاماغی و اسرائیلدن آلدیغی ضربه‌نی آذربایجانین اوستونه ییخماغا داوام ائدرسه، تاریخینین ان بؤیوک سهوینی ائدر!

آز دئییل آذربایجانین اوستونه هورن چاققاللار، بیری ده مازندراندان گلیر…