روسیانین ارمنیستان‌دا یئرلشه‌ن ۱۰۲-جی بازاسینین حرب‌چیلرینین بو اؤلکه‌نی ترک ائتمه‌سی استقامتینده مذاکره‌لر گئنیشلنیر. بعضی روس اکسپرتلر، هابئله ملت وکیللری ارمنیستانی ترک ائد‌جک حرب‌چیلرین آذربایجانا، داها دقیق دئسک، قاراباغا گلیب صلح‌مراملیلارا قوشولاجاغینی ادعا ائدیرلر. رسمی باکی هله کی مسئله‌یه مناسبت بیلدیرمه‌ییب.

ماراقلی‌دیر، بو ادعا نه قدر رئال‌دیر؟ ارمنیستانی ترک ائد‌جک روس حرب‌چیلر (سایلاری ۳-۴ مین آرالیغین‌دادیر – رئد.) قاراباغا یئرلش‌دیریله‌جک؟

Axar.az خبر وئریر کی، پولیتولوق قابیل حسینلی آچیقلاماسیندا روسیا حرب‌چیلرینین ارمنیستان‌دا ۵۰ ایلدن اوزون بیر مدتی احاطه ائد‌ن مقاوله اساسیندا فعالیت گؤستردیکلرینی بیلدیریب.

«بو معنادا روس حرب‌چیلرینین بو تئزلیکده ارمنیستاندان چیخاریلماسی رئال دئییل. بو، تکجه ایروانین وئرجیی قرار دئییل، روسیا طرفی ایله راضی‌لیق اولمالی‌دیر. همین حرب‌چیلرین قاراباغا گلمه‌سی ایسه آبسورد وئرسییادیر:

بیرینجی‌سی، آذربایجانلا روسییا آراسیندا بو مسئله‌یه دایر کونکرت راضی‌لیق و یا دانیشیق یوخ‌دور.

ایکینجی‌سی، روسییا صلح‌مرام‌لیلاری قاراباغ‌دا اولسا دا، بو، ۱۰ نویابر بیاناتی اساسیندا باش توتوب. یعنی صلح‌مرام‌لیلارین فعالیتی آیری مسئله‌دیر، روس حرب‌چیلرینین قاراباغا گلمه‌سی ایسه تامام آیری مسئله‌دیر.

اوچونجوسو، آذربایجان کونستیتوسییاسینا گؤره، اؤلکه اراضی‌سینده خارجی اؤلکه‌نین حربی بازاسینین یئرلشمه‌سی، هابئله حربی کونتینگنتین اولماسی غیرقانونی‌دیر. صلح‌رام‌لیلار استثنا کیمی فعالیت گؤستریر، اما بو دا مدت‌لی‌دیر.

حساب ائدیره‌م، روس پولیتولوق و رسمیلر ایندیکی مقام‌دا نبز یوخلاییر. اما رسمی باکی بئله بیر تکلیفه راضی اولماز».