آنا صحیفه گوندم |
ایرانین اوزون مدتدیر گؤزلهنیلهن اسرائیله هجومو نهایت، اؤتن گئجه باش توتدو: تهران پوا-لار، بالستیک راکتلر، عینی زماندا پروکسی قوهلرله اسرائیله ضربه ائندیرمهیه چالیشدی.
اسرائیل رسمی اولاراق ایرانین اؤز اراضیزسیندن ۱۰۵ پوا، ۳۶ قانادلی و ۱۰۵ «یئر-یئر» بالستیک راکتی آتدیغینی اعلان ائدیب. بیلدیریلیر کی، بو هجوملا ایران مقصدینه چاتماییب، پوا و راکتلرین ۹۹%-ی وورولوب، یگانه جزعی زیان نواتیم حربی بازاسینا دییب، ۱۱ نفر یارالانیب.
یادا سالاق کی، اسرائیل ایرانین دمشقدهکی کنسوللوغونون یانینداکی بنایا جمعی ۵ راکت آتمیشدی و هدف تام محو ائدیلمیش، بنا تمامیله داغیلمیش، سپاه-این ایکی گنرالی و ۵ یوکسک رتبهلی ضابطی اؤلموشدو. ۵ راکته قارشی اوست-اوسته ۲۵۰ پوا و راکتله، عینی زماندا حزبالله طرفیندن «دستک ضربهلری» ایله هجوم ائدن ایران ایسه یالنیز جزعی ضرر وئره بیلیب.
آرتیق ایران رسمی شکلده ضربهلری دایاندیردیغینی، «اسرائیل بیر ده سهو ائدرسه»، داها آغیر جواب وئریلجیینی آچیقلاییب. بئله معلوم اولور کی، ایران آرتیق «جواب وئردیی» ادعاسیندادیر. اما فاکتیکی اولاراق «جواب» و «جوابین نتیجهسی» یوخدور.
ماراقلیدیر، ایران نیه هئچ بیر هدفینه نائل اولا بیلمهدی و یاخود اونون بئله بیر هدفی وار ایدیمی؟
۱. ۱ آپرلده اسرائیلین ضربهسیندن سونرا ایران «لازم بیلدیی واختدا و یئرده» قصاص آلاجاغینی آچیقلامیشدی. آنجاق سون ۲-۳ گون عرضینده دنیانین اکثر اؤلکهلری اؤز وطنداشلارینا آرتیق ایرانا، یاخین شرقین بعضی اؤلکهلرینه گئتمهمک چاغیریشی ائتمیشدیلر. اؤتن گون ایسه بو چاغیریش «جدی هیجان» سویهسینه قالدیریلدی؛
۲. بینالخالق مدیا ۲ گوندور ایرانین آپرلین ۱۳-او گئجه و یاخود ۱۴-او صبح تئزدن ضربه ائندیره بیلجیینی، پوا و بالستیک راکتلردن استفاده ائدجیینی یازیردی؛
۳. اسرائیل مدافعه ناظیرلیی ۱ آپرلده ضربه ائندیرندن سونرا ایرانین «قصاص عملیاتینا» تام اولاراق حاضر اولدوغونو ۱۱ گوندن سونرا - ۱۲ آپرلده اعلان ائتدی؛
۴. آمریکا و متفقلرین رگیوندا یئرلشهن قوهلری ایران راکتلرینی ضررسیزلشدیرجکلرینی اؤتن گون بیان ائتدیلر؛
۵. اسرائیل اؤتن گون آخشام ساعتلاریندا آرتیق هوادا اونلارلا قیریجیسینین «پاترول خدمتی» آپاردیغینی، ضربهلری دفع ائتمهیه حاضر وضعیتده دوردوغونو رسمی شکلده بیلدیردی و سایر.
سون معلوماتین اؤزو اولدوقجا ماراقلیدیر. قیریجیلار تهلوکه آنیندا هوایا قالدیریلیر، اونلارلا قیریجی بوتون سوتکا عرضینده اؤلکه سماسیندا خدمت گؤسترمیر. دئمک، ایرانین ضربه ائندیرجیی واختدان بیر نئچه ساعت اؤنجه اسرائیلین قیریجیلاری دا (چوخ گمان کی، اف-۳۵-لر) هوادا ایدی.
ایران بو اینفیرماسییالارین اوزینده غریبه آددیم آتدی:
۱. بو قدر «مخفی حربی سرین» یاییلماسیندان قطعیا ناراحات اولمادی، عکسینه، «قصاص عملیاتی»نین دقیق واختینین اجتماعی شکلده یاییلماسیندا سانکی ماراقلی اولدوغونو گؤستردی؛
۲. ضربه ائندیرمهیه باشلایاندا فاکتی تصدیقلهدی، راکت و پوا-لاری بوراخاندان سونرا ایسه بیرلشمیش ملتلر تشکیلاتینداکی نمایندهسی واسطهسیله «هجومون آرتیق بیتدیینی» اعلان ائتدی؛
۳. ایران پوا-لارینین اسرائیله هجوم اوچون اؤلکه اراضیسیندن قالخدیغی واخت اوچون چاخال-این حربی پیکلردن معلومات الده ائتمهسینه ده احتیاج قالمادی – ائله بینالخالق مدیانی ایزلهسهلر، یئترلی ایدی. چونکی ایران پوا-لارینین تکجه قالخما دئییل، «اسرائیله چاتما واختی» دا مدیادا واردی و بیلدیریلیردی کی، «بیر نئچه ساعتدان سونرا» ایران پوا-لاری «منزل باشینا چاتاجاق».
بئلهلیکله، ایران اسرائیل هجوما تام حاضر اولدوغونو اعلان ائدندن، آمریکا و متفقلرینین بو ضربهلری دفع ائتمک اوچون اسرائیله دستک وئرجیینی آچیقلایاندان سونرا هجوما کئچدی. و تصادفی دئییل کی، ایران پوا-لارینین و راکتلرینین بؤیوک اکثریتینین سوریا اراضیسینده ایکن ضررسیزلشدیریلدیی حاقدا اسرائیل رسمی آچیقلاما یاییب.
بوتون بونلار ایرانین «قصاص عملیاتی» دئییل، «قصاص اویونو» اوینادیغی حاقدا تصورلرین فورمالاشماسینا سبب اولوب.
خاطیرلاداق کی، قدس بریقاداسینین کماندیری قاسم سلیمانینین قتلیندن سونرا دا ایرانین «قصاص عملیاتی» حاقدا آمریکا-یا معلومات اؤتوردویو، هانسی بازانی ووراجاغینی بیلدیردیی و همین بازانین ضربهدن اؤنجه آمریکا طرفیندن بوشالدیلدیغی حاقدا تصدیقلنمیش معلومات وار.
عینی پروسسین بیر آیری فورمادا تکرارلاندیغی احتمال اولونور.
تاریخ
2024.04.14 / 16:30
|
مولف
شیخ تیمور
|