پاریس یاخینلیغیندا یئرلشن شیلی مزارین بلدییه‌سی نوبل صلح مکافاتی لاوراتی نرگیز محمدینی بو شهرین فخری وطنداشلیق مئدالی ایله تلطیف ائدیب.

Axar.az خبر وئریر کی، مئدالی محمدینین آدیندان اوغلو علی رحمانی آلیب.

تقدیم‌ائتمه مراسیمینده چیخیش ائد‌ن شهر رسمیلری، بلدییه و غیری-حکومت تشکیلاتلارینین نماینده‌لری نرگیز محمدینین انسان حاقلاری اوغرونداکی فعالیتلرینی یوکسک قیمتله‌ندیریبلر:

"بو مراسیم و فخری وطنداشلیق مئدالینین وئریلمه‌سی ایله شیلی مزارین شهری نرگیز محمدینین مئساژینی یایماق، بونونلا دا اونون قورونماسینا کمک ائتمک و آپاردیغی مبارزه‌نی دستکله‌مه‌یه داوام ائتدیینی نماییش ائتدیریر"،- شهر بلدییه‌سینین باش‌چیسی ژرارد فونس دئییب.

قید ائدک کی، گونئی آذربایجانین زنجان شهرین‌ده دوغولان نرگیز محمدی ۱۲ ایل ۳ آی حبس، ۱۵۴ شاللاق جزاسینا محکوم ائدیله‌رک، تهرانین اوین حبسخاناسیندا ساخلانیلیر.