دیزمار مئشه‌سینین آدینین دییشدیریله‌رک «شهید جمهور»قویولماسی ائموسیونال و تله‌سیک وئریله‌ن قراردیر.

Axar.az خبر وئریر کی، بو باره‌ده شرقی آذربایجان اطراف محیط ائوینین بیاناتیندا دئییلیب.

بیانات‌دا بیلدیریلیب کی، یئرین تاریخی آدینین دییشدیریلمه‌سی عوضینه، بؤلگه‌نین یوللارینین چکیلمه‌سینه، خلاص‌ائتمه و یانغین‌سؤندورمه امکانلارینین یارادیلماسینا دقت آیریلمالیدیر.

«تاریخی دیزمار آدینین دییشدیریلمه‌سی اطراف محیط فعاللارینین و بؤلگه اهالی‌سینین ناراحات‌لیغینا سبب اولوب. بو آد بؤلگه خالقینین مدنیت تاریخینین بیر حصه‌سی‌دیر و اونو دییشمک گرگینلیین آرتماسینا، مقاومتین یارانماسینا سبب اولا بیلر"،- مکتوبدا خبردارلیق ائدیلیب.

قید ائدک کی، حکومت مایین ۱۹-دا ابراهیم رئیسی و باشقالارینی داشییان هلیکوپترین قضایا اوغرادیغی و سرنشینلرین هلاک اولدوغو دیزمار مئشه‌سینین آدینی دییشدیره‌رک "شهید جمهور" قویوب.