ایرانین ارمنیستانلا ۵۰۰ میلیون دوللارلیق سلاح مقاویلهسی امضالادیغی حاقدا معلوماتلار یاییلیب. تهرانین بؤلگهدهکی ماراقلارینی و اینفورماسییانی یایان رسورسون - «ایران اینئرناتیونال»ین سیرادان مئدیا اورگانی اولمادیغینی نظره آلاندا بونون دوغرولوق احتیمالی یوکسلیر.
معلوماتدا ایرانین مقاویله چرچیوهسینده ارمنیستانا پیلوتسوز طیارهلر و راکتدن مدافعه سیستملری وئردیی دئییلیر. مقاویلهیه همچینین، ارمنیستانا کشفیات دستهیینین وئریلمهسی، حربی بازالارین اینشا ائدیلمهسی، ارمنی حربچیلره تعلیملرین کئچیریلمهسی کیمی مسئلهلر ده داخیلدیر.
روسییانین «تهلوکهسیزلیک چتیریندن» امتیناع ائدن ارمنیستان حربی موستویده دستهیی شاخهلندیرمک سیاستی یورودور. اساس استیقامت کیمی غرب، خصوصیله آمریکا و فرانسا گؤرونسه ده، بو اؤلکهلردن سلاحلارین گؤندریلمهسی مارشروتوندا چتینلیکلر وار. و بیر چوخ حاللاردا آذربایجانین سرت رئاکسییاسی پروبلئملر یارادیر. بو باخیمدان، ارمنیستان اوچون ایرانلا حربی امکداشلیق داها صرفهلیدیر.
- بو اؤلکهدن سلاح داشینماسینی آذربایجانین نظارتیندن کنار حیاتا کئچیره بیلیرلر؛
- رئگیون اؤلکهسی اولان ایراندان حربی دستهیین الده ائدیلمهسی ارمنیستان اوچون اوزاق غرب اؤلکهلریندن داها ائففئکتیو رول اوینایا بیلر: بو، هم ده ایروانین بؤلگهده تکلهنمک ریسکینی آزالدیر.
ایرانین جنوبی قافقازدا مؤقعلرینی گوجلندیرمک سیاستی ارمنیستاندا روسییانین بوشالان یئرینی توتماق استراتئگییاسینا اساسلانیر. بو مقاویله تهران اوچون جدی اوغور حساب اولونا بیلر. باشدا فرانسا اولماقلا، غربده ارمنیستانین ایرانلا امکداشلیغینا قارشی سرگیلنن مؤقع ایسه داها چوخ ریتوریک کاراکتر داشیییر. چونکی اونلار اوچون ایرانین دستهیی «اللرینین چاتمادیغی» بؤلگهده ارمنیستانین مدافعهسینین تامین ائدیلمهسی باخیمیندان صرفهلیدیر.
آذربایجانلی پزشکیانین پرزیدنت اولماسی ایرانین سیاستینده کورئکتلره اومیدلر یاراتسا دا، تهران رژیمینین ماهیتینه جدی تأثیر ائتمیجهیی ده معلوم ایدی. ایرانین ارمنیستانا دستیهینی، بؤلگهدهکی ماراقلارینی بو اؤلکه اوزریندن تطبیق ائتمک سیاستینی معین ائدن داها چوخ سپاه، قراروئریجی ایسه دینی لیدردیر. پزشکیانین بونو دییشمک گوجو یوخدور. پزشکیان عاملی ایرانین آذربایجان سیاستینده لویاللیغین اؤن پلانا چیخماسیندا معین رول اوینایا بیلر. کی، بو احتیمال دا او قدر یوکسک دئییل.
بوتون بونلارین فونوندا اساس دیقتچکن مقام ایران-ارمنیستان سلاح مقاویلهسی حاقدا اینفورماسییانین سفیرلییمیزین فعالیته باشلاماسی و باکی-تهران خطینده نورماللاشمانین پراکتیکی موستویده ایرلیلهمهسیندن سونرا اورتایا چیخماسیدیر. استثنا دئییل کی، ۵۰۰ میلیون دوللارلیق سلاح مقاویلهسینی ایراندا آذربایجانلا مناسیبتلره قارشی اولان قوهلر مئدیایا سیزدیریب.