آمریکا سلاحلی قوه‌لرینین مرکزی کوماندانلیغینین (سنتکام) رهبری برد کوپر فارس کؤرفزی عرب دولتلری امکداشلیق شوراسینا عضو اولان بیر سیرا اؤلکه‌لرین و اردونون ایرانا قارشی آمریکانین حربی هجوملاریندا اشتراک ائتدیینی بیان ائدیب.

Axar.az خبر وئریر کی، بو باره‌ده ایرانین خارجی ایشلر ناظیرلیینین سؤزچوسو اسماعیل بقایی اکس سوسیال شبکه‌سینده یازیب.

"اگر آمریکانین بو ادعاسی یالاندیرسا، او زمان بو اؤلکه‌لر اونو رسمی شکلده تکذیب ائتمه‌یه بورجلودور"، - بقایی بیلدیریب.

او قید ائدیب کی، بو شرایط‌ده ایرانین همین اؤلکه‌لرین اراضیلرینده یئرلشه‌ن آمریکا حربی بازالارینا و اوبیکتلرینه ضربه ائندیرمک حقوقو یارانیر: "بو اؤلکه‌لرین آمریکا هجوملارینا کمک مقصدیله اؤز اراضیلرینی پلاسدارم کیمی تقدیم ائتمه‌سی بیرلشمیش ملتلر تشکیلاتی باش آسامبلیاسینین ۳۳۱۴ سایلی قطعنامه‌سینه اساساً اونلاری بو ایشده شریک ائدیر، عینی زماندا مهریبان قونشولوق پرینسیپینین و بیرلشمیش ملتلر تشکیلاتی نظامنامه‌سینین ۲-جی مادده‌سینین (۴-جو بندینین) کوبود شکلده پوزولماسیدیر".

او خاطیرلادیب کی، ایران طرفیندن اؤزونومدافعه حقوقونون حیاتا کئچیریلمه‌سی بوتون رگیوندا تهلوکه‌سیزلیک و ثابتلیین برپا ائدیلمه‌سی اوچون ضروری آددیمدیر.

قید ائدک کی، فارس کؤرفزی عرب دولتلری امکداشلیق شوراسینا ۶ اؤلکه - سعودیه عربیستانی، بیرلشمیش عرب امیرلیکلری، قطر، کویت، بحرین و عمان داخلدیر.