شمالی کره جنوبی کره‌نی مستقل بیر دولت کیمی تانییان یئنیلنمیش کونستیتوسیا درج ائدیب.

Axar.az خبر وئریر کی، سند "ننارا" دولت خبر پورتالیندا درج ائدیلیب.

اساس قانونون ۲-جی ماده‌سینه اساساً، "کره خالق دموکراتیک رسپوبلیکاسینین اراضی‌سی شمالدا چین خالق رسپوبلیکاسی و روسیا فدراسیاسی، جنوبدا ایسه کره رسپوبلیکاسی ایله هم‌سرحد اولان اراضینی، ائلجه ده اورادا معین ائدیلمیش اراضی سولارینی و هوا مکانینی احاطه ائدیر".

اولکی ورسیادان فرقلی اولاراق، یئنی وئرسیادا جنوبی کره آچیق شکلده قونشو دولت کیمی گؤستریلیر. لاکن سندده کونکرت قورو و دنیز سرحدلری معین ائدیلمه‌ییب.

متندن کره یاریماداسینین بیرلشدیریلمه‌سی ایله باغلی مدعالار، ائلجه ده جنوبی کرنی "بیر نمره‌لی دشمن دولتی" و یا "دییشمز اساس دشمن" کیمی معین ائد‌ن افاده‌لر چیخاریلیب.

۵۶-جی ماده شمالی کره مسئولیتلی نووه سلاحی دولتی کیمی معین ائدیر. اورادا بو سلاحلارین اؤلکه‌نین موجودلوغونو و انکشافینی تامین ائتمک، محاربه‌نین قارشی‌سینی آلماق و رگیونال و بین‌الخالق صلحو قوروماق اوچون حاضرلاندیغی گؤستریلیر. ۸۹-جو ماده شمالی کره دولت ایشلری صدرینه نووه قوه‌لرینه کماندانلیق ائتمک صلاحیتی وئریر. عالی باش کوماندان کیمی او، بو صلاحیتلری موافق کماندانلیق ارگانینا حواله ائده بیلر.