ایران ایسته‌نیله‌ن حال‌دا ضربه ائندیرمه‌لیدیر. اگر تهران هانییه‌نین ایران اراضی‌سین‌ده اؤلدورولمه‌سینی جوابسیز قویسا، بو، اسلام رسپوبلیکاسینین بین‌الخالق پرستیژینی یئرله-بیر ائدر.

بو سؤزلری Axar.az-آ پولیتولوگ تراب رضایئو ایرانین اسرائیله گؤزله‌نیله‌ن هجومونو شرح ائدرکن دئییب.

او بیلدیریب کی، تهرانین بو هجومو جوابسیز قویماسی اسرائیلین ایران اراضی‌سینه ایسته‌نیله‌ن واخت هجوم ائده بیلجیی آنلامینا گلر:

«ایرانین قوناغی تهرانین مرکزینده اؤلدورولدو. حالبوکی او، ایران لیدری ایله گؤروشوب، آردینجا پرزیدنتین آندایچمه مراسیمینده اشتراک ائتمیشدی. و بونلاردان سونرا هانییه‌نین قالدیغی بینا یئرله-یکسان ائدیلدی. بونا ایران نئجه‌سه جواب وئرمه‌لیدیر. ضربه ائندیرمه‌سه، ایران بیر قوه کیمی بین‌الخالق موستویده جدی‌یه آلینمایاجاق. بونو آمریکا دا بیلیر. آنجاق بونا باخمایاراق، اسرائیلی یاخین شرق‌ده اساس متفیق کیمی قوروماق عهده‌لییی وار. اونا گؤره ده قیریجیلارینی آکتیولشدیریر».

پولیتولوگ ایرانین اسرائیل اراضی‌سینه آپرلین ۱۴-ده ائتدیی هجومونو دا خاطرلاداراق بیلدیریب کی، نوبتی ضربه ده عینی شکیل‌ده نتیجه‌لنسه، تهرانین نفوذو ایته‌جک:

«ایران غربله بیرباشا ائسکالاسییایا گئتمک ایستمیر. چونکی اسرائیله ووردوغو ضربه حددن آرتیق بؤیوک اولارسا، آمریکا و بؤیوک بریتانییا اسرائیلین یانین‌دا چیخیش ائلمه‌یه مجبور اولا بیلر. بونا گؤره ده بؤیوک احتمال اؤنجه‌دن غربی هانسی‌سا شکیلده معلوماتلاندیراجاق. آنجاق بو، کئچن دفکی کیمی معلومات وئریب، راکت و درون آتیشی اولاجاقسا، بونون رئال افکتی اولمایاجاقسا او زمان دا ایرانین جدیتی قالمایاجاق. بو باخیم‌دان چوخ تهلوکه‌لی مقام‌دیر. ایران ائله بیر جواب وئرمه‌لیدیر کی، هم اسرائیله تهرانا بو جور ضربه‌لر ائندیرمه‌سینین تهلوکه‌لی اولدوغو مئساژینی وئرسین، هم ده غربله آچیق کونفرانتاسییایا گئتمه‌سین. اونا گؤره ده اولا بیلر کی، ایران اسرائیله جواب ضربه‌سینده یا پروکسی قوه‌لریندن، حزبوللاه‌دان استفاده ائلمه‌یه چالیشسین، یا دا یئنی نوع راکتلر، درونلار سیناق‌دان کئچیرسین».