ایرانین «تحلیل بازار» سایتی روسییا پرزیدنتی ولادیمیر پوتینین آذربایجان سفرینی قارالاماغا چالیشیب.

Axar.az خبر وئریر کی، بو باره‌ده «آزاد ایران» تلگرام کانالی یازیب.

سایت پوتینین آذربایجانا سفرینی قالماقاللی آدلاندیراراق، بو سفرین روسییا گازینین آوروپایا اخراجی ساحه‌سینده روسیا، تورکییه و آذربایجان آراسین‌دا اوچطرف‌لی سازشین فورمالاشدیریلماسینین ممکن‌لویون‌دن خبر وئردیینی یازیب.

یازیدا دئییلیر کی، کرمل زنگزور دهلیزینین آچیلماسینا راضی‌لیق وئرر و دستکلیرسه، جدی سانکسییالارلا اوزلشن روسییا گازینی ایکی اؤلکه - آذربایجان و ترکیه واسطه‌سیله آسان‌لیقلا غربه اؤتوره بیله‌جک.

«ایران دفعه‌لرله بو دهلیزین یارادیلماسینا و گئوسییاسی دییشیکلیکلره سبب اولان هر هانسی دیگر حاللارا قارشی اولدوغونو آچیقلاییب. دیگر طرف‌دن، ارمنستانین گله‌جکده زنگزور دهلیزینین یارادیلماسینا نه درجه‌ده قارشی چیخا بیلجیی اساس مقام‌دیر. تهرانین «مباحثه‌لی» زنگزور دهلیزی ایله باغلی موقعی دییشه‌جکمی؟»، - سایت یازیب.

عینی زمان‌دا «فرارو» سایتی دا روسییا خاریجی ایشلر ناظرلیینین سؤزچوسو مارییا زاخارووانین آذربایجانی ناخچیوانلا بیرلش‌دیره‌جک زنگزور دهلیزی ایله باغلی روسیانین موقعینین قطعی اولدوغونو بیلدیردیینی یازیب.

قید اولونوب کی، روسیا خاریجی ایشلر ناظرلییینین سؤزچوسونون آچیقلامالاریندان سونرا بو اؤلکه‌نین تهران‌داکی سفیری ایران خاریجی ایشلر ناظرلییینه چاغیریلاراق، ایرانین بؤلگه‌نین گئوسیاستینین دییشدیریلمه‌مه‌سی ایله باغلی موقعی بیر داها تکرارلانیب، تهرانین بین‌الخالق سوییه‌ده تانینان سرحدلرین دییشدیریلمه‌سینه قارشی اولدوغو بیلدیریلیب.