گؤروروک کی، ایرانین زنگزور دهلیزی مسئله‌سینده‌کی موقعیی پرینسیپال اولاراق قالیر. هر نه قدر ایران ارمنستانین بؤلگه‌یه آمریکا و فرانسانی گتیرمک ایستکلرینه قارشی اؤزونو مبارزه آپاریرمیش کیمی گؤستریب، رگیونال مسئله‌لرین گویا بؤلگه‌ده حل اولونماسی ایله باغلی هم پاشینیانا، هم ده ارمنستان خارجی ایشلر ناظرلیینه واخت‌آشیری اولاراق خبردارلیق ائتسه ده، تهران بو مسئله‌ده گئری آددیم آتمیر.

بو سؤزلری Axar.az-آ پولیتولوپگ تراب رضایئو ایران رسمیلرینین زنگزور دهلیزی ایله باغلی بیاناتلارینا مناسبت بیلدیررکن دئییب.

ایرانین آذربایجانلا مناسبتلری نورماللاشدیرماغا چالیشماسینا دا توخونان پولیتولوگ وورغولاییب کی، ایران زنگزور دهلیزی مسئله‌سینده دولت سیاستیندن کنارا چیخمیر:

"گؤرونن اودور کی، ایرانین بو مسئله‌ده ثابت دولت سیاستی وار و اونو دییشمک نیتینده ده دئییل. چونکی ایران بو مسئله‌ده داها فرقلی ماراقلار گودور. بئله کی، ارمنستان-ایران سرحدینین روسییانین نظارتینده اولماسینی ایسته‌میر. زنگزور دهلیزینین آچیلماسی و روس فدرال تهلکه‌سیزلیک خدمتی‌نین نظارتینه کئچمه‌سی همین دهلیزی سانکی روسییانین نظارتینه وئره‌جک. ایران حکومتی ایسه بونو اؤزونه تهدید اولاراق گؤرور. دیگر طرفدن ایسه بورادا ایران ارمنستانا هامیلیک ائتمکله خصوصیله خریستیان دنیاسیندا، کاتولیک آوروپاسیندا، واتیکانین یانیندا و س. خریستیان تعسب‌کشلییندن استفاده ائتمه‌یه چالیشیر. عینی زاماندا، آمریکاداکی لیبرال سول دموکراتیک پارتییالارین قاتیلدیغی، ارمییلری مظلوم خالق کیمی تانیییب، اونلارین حاق-حقوقلارینی آختاران ارمنی‌پرست گروپلارین نظرینده سیاسی سیمپاتییا توپلاماغا چالیشیرلار".

پولیتولوگ ایرانین واخت‌آشیری غربین تورکه قارشی آگرسسیو مناسبتیندن استفاده ائتدیینی دقته چاتدیریب:

"تهران رژیمینین لیبرال اصلاحاتچی قانادی آچیق شکیلده آمریکایا دئییر کی، بیز اولماساق، تورک دیلی بؤلگه‌ده اساس دیل اولار. محض غربده اولان تورک دوشمن‌چیلییندن معین قدر بو مقصدله استفاده ائتمه‌یه چالیشیرلار. بونا گؤره ده غربده و آوروپادا ارمنستانین هامیسی، قورویوجوسو اوبرازینی یارادیرلار".

او بیلدیریب کی، بو مسئله‌ده ایران و روسییانین ماراقلاری اوست-اوسته دوشمور:

"ایران ایسته‌ییر کی، زنگزور دهلیزینده روسییانین نظارتی برپا اولونماسین. بو جور آچیقلامالارین هله داوامی اولاجاق. ایرانلا ارمنستان آراسیندا استراتژی اتفاقا قدر آپارا بیلن مقاویله‌لر مؤوجوددور. حتی ایران و ارمنستانی معین مسئله‌ده حربی متتفیق ده سایا بیلریک. اونا گؤره ده ارمنستانلا مناسبتلر ایران خارجی سیاستینده اساس پریوریتت خط اولاجاق و بو، تهرانین باکی ایله مناسیبتینه دایمی پروبلم یاراداجاق".