غرب جنوبی قفقاز اوزرینده نظارتی برقرار ائتمک اوچون اؤز موقعینی و سیاستینی ایر‌لی آپارماغا داوام ائدیر. آذربایجانا قارشی سیاسی اینفورماسییا محاربه‌سی گئدیر. آذربایجان ارمنستانین اشغالی آلتیندا اولان اراضیلرینی گئری قایتارمازدان اول اونا قارشی آپاریلان محاربه‌نین عینی‌سی حیاتا کئچیریلیر.

Axar.az خبر وئریر کی، بونو «مسکوا-باکی»یا مصاحیبه‌سین‌ده روسییالی پولیتولوگ دمیتری سولونیکوو دئییب.

«دئیه بیلریک کی، باکی ایله باغلی بو سیاسی اینفورماسییا محاربه‌سی بیتمه‌دی. بو محاربه، عمومیتله، بیرینجی قاراباغ محاربه‌سی ایله یاناشی باشلادی - آمریکا ۱۹۹۲-جی ایلده کئچمیش سووئت رسپوبلیکالارینا یاردیم گؤسترمیی نظرده توتان قوندارما «آزادلیغا دستک آکتی»نی قبول ائتدیکده. یعنی، او زمان واشینگتن قرارا گلیب کی، اشغال‌چی ارمنستانی دئییل، آذربایجانا قارشی اتهام سیاستینی تبلیغ ائتسین»، - او بیلدیریب.

سولونیکوو وورغولاییب کی، فرانسا معلوم سببلردن - اؤلکه‌ده نفوذلو ارمنی دیاسپورونون اولماسینا گؤره ایروانا رغبت بسلییر:

«ایکینجی قاراباغ محاربه‌سیندن سونرا ایسه اینفورماسییا سیاستی ایله باغلی وضعیتین دییشجیی گؤرونوردو. اما تبلیغات و وضعیتی آلت-اوست ائتمک نینکی دییشمه‌دی، عکسینه، بو سیاست داها دا گئنیشلندی. آذربایجان اؤز اراضی بوتؤولویونو برپا ائتدیکدن سونرا ایلدن-ایله داها دا گوجلنیر. بو، آمریکا و فرانسانین خوشونا گله بیلمز. آذربایجان و ارمنستان صلح سازشی امضالاسا بئله، ایروانین اونا عمل ائدجیینه هئچ بیر تأمینات یوخدور. آذربایجان ایندی اولدوغو کیمی اؤز موقعینی گوجلندیرسه، مختلیف ایستروکتورلاردا گونده‌می دیکته ائتسه، تشببوسلرله چیخیش ائتسه، اونا تضییق ائد‌نلرله مباریزه آپارماق امکانلاری داها چوخ اولاجاق. بوندان علاوه، آذربایجان عینی زمان‌دا، سیغورتالانمالی و محاربه‌یه حاضرلاشمالی اولاجاق».