اسماعیل قاآنی صهیونیست جاسوسودور و مقاومت حرکاتینا خیانت ائدیب. او، مقاومت حرکاتینا باغلی شخصلری اسرائیله ساتیب، قاسم سلیمانی، حسن نصروللاه، اسماعیل هانیه و باشقالارینین اؤلومونه گؤره گناهکاردیر.

Axar.az خبر وئریر کی، بو باره‌ده عرب اسلام شوراسینین باش کاتیبی سید محمد علی ال-حسینی "العربیه" تله‌کانالینا مصاحیبه‌سینده دئییب.

"او، (اسماعیل قاآنی-رئد) اسرائیلین بیروتون جنوبونا ائندیردیی هاوا ضربه‌لری نتیجه‌سینده هلاک اولوب، بو بوتون ساتقینلارین عاقبتی‌دیر"،- ال-حسینی بیلدیریب.

خاطیرلاداق کی، سید محمد علی ال-حسینی بوندان اول حسن نصروللاها خبردارلیق ائد‌رک اونون ایران طرفیندن ساتیلدیغینی و اؤلدورولجه‌یی باره‌ده خبردارلیق ائتدیکدن بیر نئچه گون سونرا نصروللاه اؤلدورولدو.

قید ائدک کی، ۲۷ سنتیابردا اسرائیلین بیروتون جنوبونا ائندیردیی هاوا ضربه‌لریندن سونرا اسماعیل قاآنی ایله علاقه کسیلیب.

بعضی منبعلر اونون همین ضربه‌لر نتیجه‌سینده اؤلدورولدویو، بیر سریا منبع‌ر ایسه اونون ایران‌دا ائو دوستاغی اولدوغو حسن نصروللاهین اؤلدورولمه‌سینه گؤره دیندیریلدیینی بیلدیرسه‌لر ده، بونلارین هئچ بیری رسمی شکیلده تصدیقله‌نمه‌ییب.

تهران رسمیلری قاآنی‌نین ساغ اولدوغونو و یاخین گونلرده علی خامنه‌اینین اونا "فتح" نشانی وئرجه‌یینی ادعا ائدیرلر.