بو گون آذربایجان‌دا مستقیللیین برپاسی گونودور.

Axar.az خبر وئریر کی، ۱۹۹۱-جی ایل اوکتیابرین ۱۸-ده عالی سووئت «آذربایجان رسپوبلیکاسینین دولت مستقیللیی حاقیندا» کونستیتوسییا آکتینی قبول ائدیب.

کونستیتوسییا آکتیندا ۱۹۱۸-جی ایل ۲۸ مای تاریخ‌لی استقلال بیاننامه‌سینه و «آذربایجان رسپوبلیکاسینین دولت مستقیللیینی برپا ائتمک حاقیندا» آذربایجان رسپوبلیکاسی عالی سووئتینین ۱۹۹۱-جی ایل ۳۰ آوگوست تاریخ‌لی بیاننامه‌سینه استناد اولونوب و آذربایجان رسپوبلیکاسینین آذربایجان خالق جمهوریتینین وارثی اولدوغو تثبیت ائدیلیب.

بو ایل اوکتیابرین ۱۸-ده آذربایجان رسپوبلیکاسینین مستقیللیینین برپا ائدیلمه‌سینین ۳۲-جی ایلی تمام اولور.

آذربایجان خالقی اؤتن عصرین اولینده مستقل رسپوبلیکا قوروب، ۱۹۹۱-جی ایلده ایسه آذربایجان رسپوبلیکاسینین آذربایجان خالق جمهوریتینین وارثی کیمی اؤز مستقیللیینی برپا ائدیب.

آذربایجان خالقی ۱۹۹۱-جی ایلدن سونرا اوچونجو دفعه‌دیر کی، بو بایرامی تام فرقلی اولاراق، اؤز اراضی بوتؤولویونو برپا ائتمیش غالب خالق کیمی قید ائدیر.

۱۹۹۲-جی ایلین ماییندا ملی مجلس طرفیندن آذربایجان رسپوبلیکاسینین دولت هیمنی (موسیقی‌سی عزیر حاجیبیوون، سؤزلری احمد جوادین)، آز سونرا اوچرنگلی بایراق، ایچینده آلوو اولان سککیزگوشه‌لی اولدوز تصویرلی دولت گئربی تصدیق اولونوب.

آذربایجان پارلامنتینین ۱۵ اوکتیابر ۲۰۲۱-جی ایل تاریخ‌لی پلنار اجلاسیندا ایسه «مستقللیک گونو حاقین‌دا» یئنی قانون قبول ائدیلیب. ائله همین گون ده پرزیدنت ایلهام علیئو طرفیندن "مستقللیک گونو حاقیندا" قانون تصدیقلنیب.

قانونون تصدیقله‌نمه‌سی ایله ۱۸ اوکتیابر - دولت مستقیللیی گونونون آدی دییشدیریله‌رک مستقللیین برپاسی گونو اعلان ائدیلیب.

بو ایل ایسه آذربایجان‌دا مستقیللیین برپاسی گونو تمام باشقا آب-هوادا قید ائدیلیر. ۲۰۲۳-جو ایلین سنتیابرین ۱۹-دا اوچ‌طرفلی بیاناتین مدعالارینین تامین اولونماسی، قاراباغ اقتصادی رایونون‌دا تؤردیله‌ن گئنیش‌مقیاسلی تخریباتلارین قارشیسینین آلینماسی، ارمنیستان سلاح‌لی قوه‌لرینین بیرلشمه‌لرینین ترک-سلاح ائدیله‌رک اراضیلریمیزدن چیخاریلماسی، اونلارین حربی اینفراستروکتورونون ضررسیزلشدیریلمه‌سی، اشغال‌دان آزاد ائدیلمیش اراضیلره قاییدان دینج اهالی، هابئله برپا-قوروجولوق ایشلرینه جلب اولونموش ملکی ایشچیلر و حربی قوللوقچولاریمیزین تهلوکه‌سیزلیینین تامین اولونماسی و آذربایجان رسپوبلیکاسینین کونستیتوسییا قورولوشونون برپا ائدیلمه‌سی مقصدیله بؤلگه‌ده لوکال کاراکترلی آنتی‌ترور تدبیرلرینه باشلانیلیب.

۲۳ ساعتدان بیر قدر چوخ داوام ائد‌ن تدبیرلر چرچیوه‌سینده ارمنیستان سلاح‌لی قوه‌لرینین بیرلشمه‌لرینین اؤن خط و درینلیکده اولان مؤقعلری و اوزون‌مدتلی آتش نقطه‌لری، ائلجه ده دؤیوش واسطه‌لری و حربی تعییناتلی اوبیکتلری یوکسک دقیقلیکلی سلاحلارین تطبیقی ایله سیرادان چیخاریلیب. دشمن آغ بایراق قالدیراراق تسلیم اولوب. بونونلا دا آذربایجانین بوتون اراضیلرین‌ده کونستیتوسییا قورولوشو برپا ائدیلیب. حاضردا قاراباغین هر نقطه‌سینده آذربایجانین اوچرنگلی شانلی بایراغی دالغالانیر.

قید ائدک کی، آذربایجان‌دا مستقیللیین برپاسی گونو هر ایل بایرام کیمی قید اولونان ایش گونودور.